Sahib khan bhatti: May 2019

ٽنڊو غلام علي ۾ مبينا طور بليڪ ميلنگ کان تنگ ٿي شاگردياڻي انيلا طرفان آپگهات ڪرڻ واري معاملي ۾ پوليس هڪ جوابدار کي گرفتار ڪري ورتو آهي.

ميگهواڙ پاڙي ۾ 4 ڏينهن اڳ زهريلي دوا پي آپگهات ڪندڙ شاگردياڻي انيلا کي بليڪ ميل ڪرڻ واري ڪيس ۾ مک جوابدار سوم ميگهواڙ کي پوليس گرفتار ڪري ورتو.

پوليس موجب سوم ميگهواڙ کي حيدرآباد ويجهو کٿڙ واري علائقي مان گرفتار ڪيو ويو آهي.

هوڏانهن ٻڌايو وڃي ٿو ته جوابدار سوم ميگهواڙ پاڻ ٿاڻي تي پهچي گرفتاري پيش ڪئي آهي.

ٽنڊو غلام علي ٿاڻي ۾ لاڪ اپ ٿيل جوابدار سوم ميگهواڙ بليڪ ميلنگ جي الزامن جي ترديد ڪندي چيو آهي ته هن انيلا کان وڌيڪ نه 27 ھزار سندس سون جي منڊي ٺھرائڻ لاءِ ورتا هئا.

واضح رهي ته ناري انيلا آپگهات کان اڳ لکيل خط ۾ ڄاڻايو هو ته جوابدار سندس تصويرون ايڊٽ ڪري بليڪ ميل ڪري پيسا وصول ڪندا رهيا آهن.

ناري انيلا جي وارثن جي فرياد تي جوابدار سوم ميگهواڙ، مهيش ۽ اشوڪ ميگهواڙ خلاف ڪيس داخل ڪيو ويو آهي........

موهن جي دڙيءَ جي تاريخي تهذيب مهراڻ جي سستي ۽ اربين سمنڊ جي لهرن مٿان جنم وٺن وٺندڙ سنڌ، اهو تاريخي سرسبز ۽ خوشحال خطو آهي، جنهن جو ذڪر هن ڌرتي جي انسان جي شروعات کان ئي ملي ٿو، جيڪواڄ 21ن صديءَ جهڙي جديد، سائنس ۽ ٽيڪنالوجي جي دور ۾ پنهنجي ئي غفلت، خامين ۽ لاپرواهين جي ڪري ايڇ آءِ اي وي/ ايڊ جهڙي جان ليوا مرض ۾ مبتلا ٿئي چڪي آهي. .

ايڊز جون لهرون به هيپاٽائيٽس ۽ شگر جيان سنڌو کي پنهنجي لپيٽ ۾ وٺي رهي آهي، جيڪا صرف هڪ مهيني جي اندر ئي ٻه هزار کان مٿي سنڌ جي ماروئڙن کي پنهنجي چنبي ۾ آڻي چڪي آهي، ان وائرس نما ڦهلجندڙ بيماري پوري سنڌ کي آفريڪا جي ملڪن سيوزلينڊ، ڪينا ۽ يوگنڊا جهڙن ملڪن جو منظر ڏيڻ لاءِ تيار کڙي آهي. ايتري تيزي سان پکڙجندڙ اها وائرس سنڌ جي اصل وجود لاءِ پڻ نقصانڪار آهي.

ان جان ليوا وائرس جي ڦهلجڻ جو اهم سبب ته جنسي لاڳاپا رکڻ آهي، پر هتي ڊاڪٽري جهڙي مسيحا پيشي سان تعلق رکندڙن جي لالچ ۽ خودپرستي آهي، جنهن ۾ انجيڪشن جو هڪ کان وڌيڪ ماڻهن تي استعمال، بلڊ ٽرانسفر ۽ ڊائلاسيس جي عمل دوران مسيحي پيشيءَ وارن جي غفلت، لاپروهيءَ ۽ خاص ڪري سنڌ مٿان عطائي ڊاڪٽرن جي وار پڻ ان جا مکيا سبب آهن، ان مان حڪومت سنڌ ۽ خاص ڪري صحت شعبي جي سنجيدگيءَ ۽ موثر هجڻ تي به سواليا نشان آهي.

سنڌ حڪومت ۽ صحت شعبي جي وزير کي گهرجي ته هن جان ليوا وائرس کي روڪڻ لاءِ وت سر قدم کڻڻ ۽ ان وائرس کان بچاءُ لاءِ مهم هلائٻڻ سان گڏ متاثر ٿيل شهرن ۾ ماهر ڊاڪٽرن سان گڏگوڏ جديد سهولتون فراهم ڪري ته جيئن متاثر ماڻهن جي سٺي نموني علاج ٿي سگهي، ان سان گڏ ايڇ آءِ وي ايڊز جي ڦهلجڻ جا بينادي سبب واضح ڪري اُن مٿان ڪريڪ ڊائون پڻ موجود حڪومت جي اول ترين ذميواري آهي ته جيئن ايندڙ وقت ۾ سنڌ جي سونهن مٿان ڪا نه آنچ نه اچي

وڪيل شاهد ڀنگوار( ڪراچي )

Pages

Wednesday, 22 May 2019

Monday, 13 May 2019