Sahib khan bhatti: March 2020

Friday 27 March 2020

Sahib Khan Bhatti with Usman Abbasi

Sahib Khan Bhatti with Baqir Khan

Sahib Khan Bhatti with Tashkil Sandilo and Jabbar memon

Friday 20 March 2020

قاتل وائرس ۽ لاڪ ڊائون واري صورتحال

صاحب خان ڀٽي

قاتل ڪورونا وائرس پاڪستان سميت دنيا جي 170 کان وڌيڪ ملڪن ۾ پکڙجي چڪو آهي، هن وقت تائين 10 هزار کان وڌيڪ ماڻهو هن وائرس سبب فوت ٿي چڪا آهن، جڏهن ته هزارن جي انگن ۾ ماڻهو هن وائرس ۾ مبتلا به آهن، سڄي دنيا ۾ ڪورونا پکڙجڻ کانپوءِ اسان جي ملڪ ۾ ڪورونا وائرس پهچي ويو آهي ۽ ماڻهن جي فوت ٿيڻ جو سلسلو به شروع ٿي ويو آهي، ڪيترائي ماڻهو وائرس ۾ مبتلا ٿي ويا آهن، سنڌ، پنجاب ۽ خيبرپختونخواهه ۾ به ڪيترائي ماڻهو هن قاتل وائرس ۾ مبتلا ٿي چڪا آهن، سنڌ ۾ ٻين صوبن جي ڀيٽ وڌيڪ سنگين صورتحال آهي، جتي سڀ کان وڌيڪ ڪورونا وائرس جي مريضن جي تصديق ٿي آهي، پ پ چيئرمين بلاول ڀٽو زرداري سنڌ ۾ ڪورونا وائرس سان مقابلي لاءِ وفاق کان مدد گهرندي چيو آهي ته هاڻ اسان کي سموري طاقت لڳائي وائرس کي روڪڻو آهي، سنڌ حڪومت 10 هزار ڪٽس خريد ڪيون آهن، اسان کي پنهنجي ٽيسٽنگ جي صلاحيت وڌائڻي آهي، وفاقي حڪومت کي چونداسين ته اسان جي مدد ڪري.

هوڏانهن سنڌ جي راڄڌاني ڪراچي ۾ به هڪ ڪورونا وائرس جي مريض جي فوتگي جي تصديق ٿي آهي، سنڌ جي صحت واري وزير عذرا افضل پيچوهو ڪورونا وائرس جي مريض جي فوتگي جي تصديق آهي. ميڊيا تي رپورٽون آهن ته هن وقت تائين پاڪستان ۾ ڪورونا وائرس سبب 3 ڄڻا فوت ٿيا آهن، جن مان ٻن جو تعلق خيبرپختونخواهه جي شهر پشاور ۽ مردان سان آهي، جڏهن ته هڪ جو تعلق سنڌ جي گادي واري شهر ڪراچي سان آهي. ايتري قدر جو اهو به ٻڌايو ويو آهي ته هن وقت سنڌ جو شهر سکر سڀ کان وڌيڪ متاثر ٿيو آهي، جيتري حد کان وڌيڪ ڪيس ظاهر ٿيا آهن، جنهن بابت ٻڌايو پيو وڃي ته ڪجهه ماڻهو ايران زيارت ڪرڻ لاءِ ويا هئا، جن کي به ڪورونا وائرس هئڻ جي تصديق ٿي آهي. عالمي بينڪ طرفان ڪورونا سٽيل ملڪن کي قرضن جي آڇ به ڪئي آهي، جيڪڏهن اسان پنجاب صوبي جي ڳالهه ڪنداسين ته پنجاب ۾ ڪورونا وائرس جا ڪيس ڌڙا ڌڙ ظاهر ٿي رهيا آهن، گذريل ڏينهن به ڪورونا وائرس جا وڌيڪ 2 ڪيس ظاهر ٿيا آهن، جنهن کانپوءِ پنجاب ڪورونا وائرس مريضن جو انگ وڌي 80 ٿي ويو آهي، جڏهن ته سڄي ملڪ ۾ ڪورونا وائرس مريضن جو انگ 451 ٻڌايو پيو وڃي. سنڌ حڪومت طرفان بيان جاري ڪيو ويو آهي ته هن وقت تائين مجموعي طور تي 302 زائرين جون ٽيسٽون ڪيون ويون آهن، جن مان 151 جا نتيجا هاڪاري ۽ 151 جا ناڪاري آيا آهن، جڏهن ته هڪ ڪيس جي ٻيهر ٽيسٽ ڪئي پئي وڃي. ڪراچي ۾ جيڪو شخص فوت ٿيو آهي ان جي عمر 77 سال آهي. ڪورونا وائرس سبب رڳو هڪ شخص ئي فوت ٿيو آهيهوڏانهن بلوچستان ۾ ڌڙا ڌڙ ڪيس ظاهر ٿيڻ لڳا آهن، هن وقت تائين سڄي صوبي ۾ 80 کان وڌيڪ ماڻهن کي وائرس هئڻ جي تصديق ڪئي وئي آهي، ميڊيا تي هلندڙ انگ اکرن موجب، خيبرپختونخواهه ۾ خميس ڏهاڙي 4 نوان ڪيس ظاهر ٿيڻ کانپوءِ مجموعي طور ڪيسن جو انگ 23 ٿي ويو آهي. گلگت بلتستان ۾ وائرس متاثرن جو انگ 21 آهي، جڏهن ته اسلام آباد ۾ به نوان چار ڪيس ظاهر ٿيڻ کانپوءِ ڪورونا سٽيل مريضن جو انگ 7 ٿي ويو آهي. پاڪستاني ميڊيا موجب، آزاد ڪشمير ميرپور جي جي ڊپٽي ڪمشنر هڪ شخص کي ڪورونا وائرس هئڻ جي تصديق ڪئي آهي. ڊي سي ميرپور جو چوڻ آهي ته متاثر شخص ڪجهه ڏينهن اڳ ايران کان تفتان آيو هو، جنهن کي ميرپور جي آئسوليشن وارڊ ۾ رکيو ويو آهي.

بهرحال ڪورونا وائرس رڳو پاڪستان نه پر دنيا جي ڪيترن ئي ملڪن ۾ ماڻهو وائرس ۾ مبتلا ٿي رهيا آهن، ڀارت ۾ به ڪورونا وائرس سبب وڌيڪ هڪ ڄڻي دم ڏئي ڇڏيو آهي، ، جنهن کانپوءِ اتي فوتين جو انگ 4 ٿي ويو آهي. ڪورونا وائرس کان بچڻ لاءِ ماهرن جو چوڻ آهي ته پنهنجا هٿ صابڻ سان ڌوئي پوءِ ماني کائو ۽ ڪنهن به شخص سان هٿ نه ملايو رڳو پري کان ئي سلام ڪيو، ڇاڪاڻ ته هٿ ملائڻ سان به هي وائرس ٻئي شخص ڏانهن منتقل ٿي سگهي ٿو ۽ جيترو ٿي سگهي چهري تي ماسڪ لڳايو ته جيئن هن وائرس کان بچي سگهو. ڀارتي اختيارين موجب، ملڪ ۾ وائرس جي متاثر ٿيندڙن جو انگ 173 تائين پهچي ويو آهي، جن مان 148 مريض ڀارتي، جڏهن ته 25 پرڏيهي آهن.ڀارتي وزيراعظم نريندر مودي ڪورونا وائرس سبب ملڪ ۾ ”جنتا ڪرفيو“ جو اعلان ڪندي چيو آهي ته عوام 22 مارچ تي گهرن ۾ ئي رهي، هڪ وقت ڀارت ۾ ڪورونا وائرس جو خوف آهي ته ٻئي طرف وري ڀارت روايتي طور سرحد تي ڇڪتاڻ پيدا ڪرڻ جي ڪوشش ڪري رهيو آهي. جيئن ته هن وقت سڄي دنيا ۾ ڪورونا وائرس جو خوف ڇانيل آهي، حڪومت کي گهرجي تي سرحدن کي سيل ڪيو وڃي ته جيئن ڪو به پرڏيهي پاڪستان ۾ سرحد تان داخل نه ٿي سگهي، باقي ايئرپورٽ ذريعي جيڪو اچي، ان جي ٽيسٽ ڪئي وڃي ته ان کي وائرس ته نه آهي. جيڪڏهن پاڙيسري ملڪن جون سرحدون ماڻهن جي اچ وڃ لاءِ مڪمل طور بند نه ڪيون وينديون ته هن وائرس جي تيزي سان پکڙجڻ جو خدشو وڌي ويندو.

ڪورونا وائرس سبب تعليمي ادارا به بند آهن، روڊ به خالي نظر اچي رهيا آهن، هر طرف لاڪ ڊائون واري صورتحال آهي، سنڌ سرڪار جا کنيل قدم واکاڻ جوڳا آهن ، ايمرجنسي ۾ اسپتالون قائم ڪرڻ ۽ متاثرن کي راشن ڏيڻ وارن فيصلن جي جيتري واکاڻ ڪئي وڃي، اها گهٽ آهي پر رڳو هڪ شهر ڏانهن گاڏين جي اچ وڃ بند ڪرڻ سان فرق نه پوندو، صوبن جي سرحدن تي به سخت چيڪنگ ڪئي وڃي، ٻين صوبن مان ايندڙ ماڻهن جي ٽيسٽ ڪئي وڃي، جنهن کانپوءِ ان ک صوبي ۾ داخل ٿيڻ جي اجازت ڏني وڃي، ٻي صورت ۾ ڪورونا وائرس تي ضابطو آڻڻ ناممن هوندو ۽ جيڪي هن وقت تائين سنڌ سرڪار قدم کنيا آهن، انهن جو ڪو به کڙ تيل نه نڪرندو. جيئن ته سڄي ملڪ ۾ ڪورونا وائرس جي ڪري مارڪيٽون بند ڪرائڻ جو سلسلو به جاري آهي، ڪيترائي ماڻهو گهر ويهي ويا آهن، مطلب ته سندن ڪمائڻ جو ذريعو ئي بند ٿي ويو آهي، سنڌ سرڪار پاران رڳو ڪورونا وائرس جي متاثرن لاءِ امداد جو اعلان ڪيو ويو آهي پر انهن ماڻهن جي باري ۾ ناهي سوچيو ويو، جيڪي ڏهاڙي تي مارڪيٽن ۾ ڪم ڪندا آهن، جيڪي هن وقت مارڪيٽون بند ٿيڻ سبب گهرن ۾ ويٺا آهن ۽ سندن گهرن ۾ فاقا ڪشي واري صورتحال آهي، هڪ طرف ڪورونا وائرس جو خوف ته ٻئي طرف وري ماڻهو بي روزگاري سبب پريشان ٿي رهيا آهن، حڪومت کي گهرجي ته ڪورونا وائرس جي خدشي سبب بند ڪيل مارڪيٽن ۾ ڏهاڙي تي ڪم ڪندڙن جي به واهر ڪرڻ گهرجي ته جيئن هي قدرتي آفت کي منهن ڏئي ٽاريو وڃي.

Thursday 19 March 2020

Sahib khan bhatti in Daily Ekta office

ڪورنا وائرس، آسماني پٿر ۽ قرضن جي آڇ

صاحب خان ڀٽي

چين مان پکڙيل ڪورونا وائرس سڄي دنيا ۾ خوف واري صورتحال پيدا ڪري ڇڏي آهي، هر طرف ماڻهن ۾ خوف ڇانيل آهي، ڪيترن ئي ملڪن ۾ ڳڻتي واري صورتحال آهي، سڀ کان وڌيڪ هن قدرتي آفت سبب چين متاثر ٿيو آهي، جنهن کانپوءِ ايران ۾ به ڪيترائي ماڻهو فوت ٿي چڪا آهن، يورپ ۾ حالتون ضابطي هيٺ آهي۽ آمريڪا ۾ به ايتري ڳڻتي جوڳي صورتحال ناهي، جنهن سان ڪا پريشن ٿيڻ جهڙي ڳالهه هجي پر اٽلي ۾ ڪورونا وائرس تيزي سان پکڙجي رهيو آهي، هي وائرس انهن ۾ کي تمام جلد وچڙجي ٿيو، جيڪي وڏي عمر وارا آهن يا ننڍي عمر وارا آهن، هي وائرس ايترو جلدي ڪنهن نوجوان ۾ نه ٿو پکڙجي، پاڪستان ۾ به ڪورونا وائرس سبب ماڻهن ۾ خوف پکڙجي رهيو آهي، پنجاب ۽ سنڌ مان ايران زائرين ويل ماڻهن جي چڪاس ڪرڻ جو به فيصلو ڪيو ويو آهي، اهو فيصلو تڏهن ڪيو ويو، جڏهن سنڌ سرڪار سڀ کان پهرين ڪورونا وائرس واري معاملي کي سنجيدگي سان ورتو ۽ ماڻهن جون ٽيسٽون ڪرڻ جو فيصلو ڪيو، جيڪي به ماڻهو پرڏيهه مان اچي رهيا هئا، سنڌ سرڪار جي پهرين ترجيح انهن ماڻهن جون ٽيسٽون ڪرڻ هئي ۽ ان جي ڪري ئي سڀ کان پهرين سنڌ ۾ ئي ڪورونا وائرس جا ڪيس ظاهر ٿيا، باقي خيبرپختونخواهه ۾ سڌو ڪورونا وائرس سبب ماڻهن جي فوتگي جون خبرون ٻڌڻ اچي رهيون آهن، وفاقي سرڪار طرفان خيبرپختونخواهه جي هنگو ۽ مردان واري علائقي ۾ ٻن ڄڻن جي فوت ٿيڻ جي تصديق به ڪئي آهي، جنهن کان پوءِ ڪورونا وائرس پاڪستان به قاتل وائرس بڻجي ويو آهي، وزيراعظم عمران خان چيو آهي ته ڪورونا وائرس کان ڊڄڻ جي ڪا به ڳالهه نه آهي، صابڻ سان هٿ ڌوئيندا ڪيو، جيڪڏهن شهرن کي بند ڪنداسين ته ماڻهو بک مري ويندا.

جيڪڏهن ڏٺو وڃي ته جڏهن به دنيا تي ڪا وبا پکڙي آهي ته سڄي دنيا ان کي گڏجي منهن ڏيڻ جي ڪوشش ڪئي آهي، هن وقت به سڄي دنيا جا سائنسدان ۽ ڊاڪٽر ڪورونا وائرس جي وئڪسين تيار ڪرڻ ۾ لڳا پيا آهن پر هن وقت تائين ڪا خاص ڪاميابي کين نه ملي آهي پر هي وائرس تيزي سان پکڙجي رهيو آهي، جنهن سبب دنيا ۾ ڪاروبار ٺپ ٿي ويو آهي، اسان جي ملڪ ۾ به ڳڻتي جوڳي واري صورتحال ٿيڻ کانپوءِ سرحدن تي انتظام سخت ڪيا ويا آهن، سنڌ ۾ به جن ماڻهن کي ڪورونا وائرس جي تصديق ٿي آهي، انهن بابت ٻڌايو پيو وڃي ته تفتان بارڊر تي اسان جي ادارن زائرين سان سٺو رويو اختيار نه ڪيو، ماڻهن کي هڪ هنڌ ئي رکيو ويو، جنهن سبب اهو وائرس ٻين ماڻهن ۾ به پکڙيو، سکن کي جيڪي سهولتون فراهم ڪيون ويون آهن، اهڙيون سهولتون جيڪڏهن ايران ويندڙ زائرين کي ڏنيون وڃن ها ته شايد اهو وائرس ٻين ماڻهن ۾ نه پکڙجي ها پر افسوس جو اسان جي حڪمرانن کي اسان جي ملڪ جا ماڻهو نظر نه پيا اچن، جيڪيڏهن تفتان بارڊر تي ماڻهن کي گهڻي دير تائين هڪ هنڌ نه ترسايو وڃي ها ته اهڙيون حالتون اڄ سنڌ ۾ پيدا نه ٿيا هن، ٻي وري ڳڻتي واري ڳالهه اها به آهي ته پنجاب مان ويل زائرين کي وائرس جي تصديق ناهي ٿي ۽ سنڌ ۾ آيل زائرين جي جڏهن ٽيسٽون ڪيون ويون ته انهن مان ڪجهه ماڻهن کي ڪورونا وائرس جو شڪ ظاهر ڪيو ويو آهي، هڪ ڳالهه ته صاف ظاهر ٿي وئي آهي، جيڪڏهن ايران ويل سنڌ جي زائرين کي ڪورونا ٿي سگهي ٿو ته پوءِ پنجاب مان ويل زائرين جون به ٽيسٽون ڪيون وڃن ته جيئن انهيءَ وائريس کي وڌيڪ پکڙجڻ کان روڪي سگهجي، سنڌ جو وڏو وزير سيد مراد علي شاهه ڪريڊٽ حاصل ڪرڻ جي ڪوشش ڪري رهيو آهي ته هو ڪورونا تي ضابطو آڻڻ لاءِ قدم کڻي رهيا آهن پر سائين کي ايترو ٻڌائڻ ضروري آهي ته جيڪڏهن وڌيڪ ڪيس سکر ۾ ظاهر ٿيا آهن ته انهيءَ شهر ۾ گاڏين جي اچ وڃ بند ڪئي وڃي ها پر سنڌ سرڪار سکر ۾ ايندڙ ويندڙ گاڏين تي پابندي نه لڳائي رڳو ڪراچي شهر ۾ گاڏين جي اچ وڃ روڪي وئي آهي، جيڪا ڳالهه سمجهه کان ٻاهر آهي، جيڪو شهر متاثر آهي، ان کي بچائڻ جي ڪوشش ڪئي وڃي ها ۽ سکر مان ماڻهن کي ٻين شهرن ڏانهن وڃڻ کان روڪيو وڃي ها پر اهڙا قدم سنڌ سرڪار نه کنيا رڳو ڪراچي ۾ لاءِ خاص انتظام کنيا ويا.

بهرحال چين هن وقت ڪورونا وائرس تي ضابطو آڻڻ ۾ ڪامياب ٿي رهيو آهي، ٻين ملڪن ۾ به چين کان مدد طلب ڪري ورتي آهي، هي اهو واحد ملڪ آهي، جنهن سڀ کان پهرين وڏي اسپتال قائم ڪئي، ڇاڪاڻ هي وائرس انهيءَ ملڪ ۾ سڀ کان پکڙيو هو، هي ڪو نئون وائرس نه آهي، ان کان اڳ به سارس ۽ مارس جهڙا خطرناڪ وائرس پکڙيا آهن، جن جو ملڪن گڏجي مقابلو ڪيو. هن وقت به وائرس تي ضابطو آڻڻ لاءِ سمورا ملڪ هڪ پيج تي آهن، چين، ايران، اٽلي ۽ ٻين ملڪن ۾ ڪورونا سبب ماڻهو متاثر ٿي رهيا آهن، جنهن سبب سڄي دنيا جي معشيت کي ڪاپاري ڌڪ رسيو آهي، جنهن سبب ايران به ڪورونا وائرس کي منهن ڏيڻ لاءِ پهريون ڀيرو قرض گهريو آهي، ٻئي طرف وري آءِ ايم ايف به ڪورونا سٽيل ملڪن کي قرض ڏيڻ جي آڇ ڪئي آهي۽ امير ملڪ به آفريقا جهڙن غريب ملڪن جي مدد ڪرڻ لاءِ تيار آهن، اسان جي ملڪ ۾ به ڳالهيون هلي رهيون آهن ته قرض معاف ٿي وڃي ته ڪورونا وائرس جو بهتر نموني سان مقابلو ٿي سگهي ٿو. هاڻي ڏسڻو آهي ته آخر ڪهڙا ڪهڙا ملڪ ڪورونا وائرس کي منهن ڏيڻ لاءِ قرض ٿا وٺن.

هوڏانهن ڪورونا وائرس سان گڏ آسماني پٿر جو ذڪر سوشل ميڊيا تي ٿي رهيو آهي، ڪيترا ئي سوشل ميڊيا جا واهپيدار دعوائون ڪري رهيا آهن ته آسمان پٿر زمين ڏانهن تيزي سان اچي رهيو آهي، جيڪو 29 اپريل 2020 سان ٽڪرائجندو، جنهن سان سڄي دنيا ختم ٿي ويندا، اهڙيون خبرون سوشل ميڊيا تي وائرل ٿي رهيون آهن، پر هن وقت تائين ناسا طرفان اهڙي ڪا به آفيشل پڌرائي جاري ناهي ڪئي پر ناسا طرفان ايترو ضرور چيو ويو آهي ته ناسا جي 20 سالن کان انهيءَ پٿر تي نظر آهي، انهيءَ پٿر جو ڊائيا ميٽر 4.1 ڪلو ميٽر آهي، هي پٿر پنج برج خليفا يا مائونٽ ايوريسٽ جي اونچائي جي اڌ جيترو آهي.هن پٿر جي رفتار 31 هزار ڪلو ميٽرس في ڪلاڪ آهي. پٿر جي اها رفتار دنيا ۾ تيار ٿيل هوائي جهازن کان چار ڀيرا وڌيڪ آهي. جيڪڏهن اهو پٿر دنيا سان ٽڪرائجي ها ته دنيا ۾ وڏي تباهي اچي ها، جيئن ڊائنوسارس جو خاتمو ٿيو، اهڙي ئي تباهي اچي ها. اهو به ٻڌايو ويو آهي ته هي پٿر 29 اپريل تي دنيا کان 3.9 ڪلوميٽر جي فاصلي کان گذري ويندو، مطلب هن پٿر جو ڌرتي کان فاصلو 40 لک ڪلوميٽر هوندو. جئين ته چنڊ جو ڌرتي کان فاصلو 3 لک 84 هزار 400 ڪلو ميٽر آهي. جڏهن هي پٿر دنيا کان ويجهو گذرندو ته چنڊ کان به 10 ڀيرا وڌيڪ فاصلي تي هوندو. انهيءَ حوالي سان ناسا سمورا تفصيل پنهنجي آفيس ويب سائيٽ تي رکي رهيو آهي، جنهن سبب سوشل ميڊيا تي وائرل ٿيندڙ خبرن جو زور ٽٽي رهيو آهي. پر ڳالهه درست آهي ته جيڪڏهن ڪو پٿر زمين سان ٽڪرايو ته هن دنيا جو خاتمو ضرور اچي ويندو، پر 29 اپريل وارو پٿر هن دنيا سان ڪون ٽڪجرائيندو، هن وقت جيڪو وڏو خطرو آهي، اهو خطرو ڪورونا وائرس آهي، جنهن کي سڄي دنيا کي گڏجي منهن ڏيڻو پوندو، تاريخ شاهد آهي ته جڏهن به قدرتي آفتون آيون، ماڻهن پنهنجي خالق کي ياد ڪري انهن جو مهاڏو اٽڪايو آهي

Sunday 15 March 2020

Sahib KHan bhatti in home

Thursday 12 March 2020

Daily Sarwan Best Sindhi Articles by Sahib Khan Bhatti

Daily sindh Best Sindhi Articles by Sahib Khan Bhatti

Daily Sindh Sujag article by Sahib khan bhatti

Daily Pak Best Sindhi Articles by Sahib Khan Bhatti

Daily Hilal e Pakistan Sahib khan bhatti article

Tuesday 10 March 2020

ين ڀرڳڙي ) حيدرآباد سنڌ سٿ صابقا ايڊيٽر جعفرعلي ميمڻ جي اچانڪ انتقال تي سندن جي وڇوڙي

ڪڪڙ ( رپورٽ خادم حسين ڀرڳڙي ) حيدرآباد سنڌ سٿ صابقا ايڊيٽر جعفرعلي ميمڻ جي اچانڪ انتقال تي سندن جي وڇوڙي تي دلي صدمون رسيو آھي مرحوم صحافي جي قلم جو پورھيو سنھري تاريخ ۾ ھميشه لاء ياد ڪيو ويندو الله تعالي جعفرعلي ميمڻ جي سوڳوار خاندان کي صبر ڏئي سنڌ سميت اسين ڪڪڙ جا قلم ڌڻي سندن جي ڏک ۾ برابر جا شريڪ آھيون ڪڪڙ جي مڙني صحافين خادم حسين ڀرڳڙي عنايت الله ڀرڳڙي سيدفيصل شاھ ۽ ٻين پاران گڏيل طور مرحوم جعفر علي ميمڻ جي حق ۾ شال خداوند باري تعالي جي درٻار ۾ مرحوم جي روح کي ايثال ثواب پھچائڻ خاطر خصوصي دعائون گھريون ويون ت الله پاڪ مرحوم کي جنت الفردوس ۾ جاء عطا فرمائي آمين ثم آمين

ڪڪڙ رپورٽر ) دادو پي ٽي آئي جي صابقا وائيس صدر محمد اعظم عباسي جي ڀاڻج ۽ محمد علي عباسي جي گھرواري ڳچ عرصي کان ڪينسر جي بيماري ۾ مبتلا ھئڻ حيدرآباد اسپتال ۾ اعلاج دوران وفات ڪري وئي مرحوما جي جنازي نماز ۾ ھزارين ماڻھن جي شرڪت سان گڏوگڏ بعد ميت کي درگاھ قاضي برھان الدين قبرستان ۾ مٽيء ماء حوالي ڪيو جڏھن ت محمد اعظم عباسي محمد علي عباسي ۽ ٻين وارثن سان عذرخواھي جو سلسلو جاري آھي

۔۔۔۔۔۔

ڪڪڙ رپورٽر ) ڪڪڙ لڳ ٿرڙي جادوشھيد ٿاڻي ايريا درگاھ گل محمد وٽ 6 نامعلوم ڦورن لنڪ روڊ تي بھ جي مزدوري ڪرڻ لاء ايندڙ مزورن کان ارشاد ۽ پرويز شاھي کان 2 موٽرسائيڪلون ڦورو مزدورن کي يرغمال بڻائي ڦر ڪري ويا ٻي طرف ڪڪڙ حد ۾ نثار ملڪاڻي کان ڦريل موٽرسائيڪل ۽ سھيل ٻگھيو کان روڪ رقم 53 ھزار ايس ايس پي دادو ذريعي 4 ڏھاڙا اڳ متاثرن کي سامان ملي ويو جڏھن ت شرپسند ڏوھاري ملوث عناصرن کي پوليس پڪڙ ۽ سزا نه ڏني آھي ان سان گڏ ان وقت ۾ ڪيتريون ئي موٽرسائيڪلون محمد علي قمبراڻي رحيم ٻٻر سچل ڪولاچي ماجد نائچ جون موٽرسائيڪلون نقد رقم جليل چانڊيو سميت مال متاء ڪيترنئي علائقي واسين جو ڦريل سامان نه موٽيو آھي ٻٽي قانون جي ڪيترائي ڏوھاري قانون جي ڇانو ۾ لڪيلن کي سزا نه ڏئڻ انصاف جو سواليا نشان بڻيل آھي متاثرين سنڌ چيف آء جي ؛ ۽ مڙني وس وارين کان ڦريل سامان ۽ مال ريڪوري ڪرائڻ جو مطالبو ڪيو

Monday 9 March 2020

ڪورونا وائرس تي ضابطو ڪڏهن ايندو؟

صاحب خان ڀٽي

نئين سال جي شروعات کانپوءِ ڪورونا وائرس هڪ وبائي صورت اختيار ڪري ويو آهي، جنهن سڀ کان وڌيڪ نقصان چين کي پهچايو آهي، جنهن سبب ڪيترائي ماڻهو اجل جو شڪار ٿي چڪا آهن، حياتيون ڳڙڪائيندڙ وائرس سبب ڪيترائي ماڻهو متاثر ٿيا آهن، ايتري قدر جو چين ۾ پڙهندڙ پاڪستاني شاگردن کي به ڏيهه اچڻ کان روڪيو ويو آهي، ماڻهن ۾ خوف به وڌندو پيو وڃي، ڇاڪاڻ ته انهيءَ خطرناڪ وائرس جي ڪا به دوا اڄ ڏينهن تائين تيار ناهي ڪئي وئي يا وري ايئن چئجي ته سائسندانن ۽ توڙي ماهر ڊاڪٽرن اهڙي خطرناڪ بيماري جي دوا تيار ۾ ڪاميابي حاصل ناهن ڪري سگهيا، جيڪڏهن اهڙي خطرناڪ وبا جي ڪا دوا هجي ها يا وري ڪو علاج موجود هجي ها ته دنيا ۾ ايڏي ونگ ۾ ماڻهو فوت نه ٿين ها ۽ انهيءَ بيماري کي عالمي وبا قرار نه ڏنو وڃي ها ۽ نه ئي وري عالمي سطح تي ايمرجنسي لاڳو ڪئي وڃي ها، چين کي به انهيءَ خطرناڪ وائرس سبب جاني توڙي مالي نقصان به ٻين ملڪن کان وڌيڪ ٿيو آهي، ڪيترن ئي ملڪن چين ڏانهن اڏامن کي به معطل ڪيو ويو آهي، چين کانپوءِ ڪورونا وائرس جا ڪيس سڀ کان وڌيڪ ايران ۾ ظاهر ٿيا آهن، ايتري قدر جو پارليامينٽ جو هڪ ميمبر به فوت ٿي چڪو آهي، ڪيترائي ئي ماڻهو ڪورونا وائرس ۾ مبتلا ٿي آهن، ايران زيارت لاءِ ويل پاڪستانين کي به ڪورونا وائرس هجڻ جو شڪ ظاهر ڪيو پيو وڃي، جنهن سبب ايران ويل هر هڪ شخص جي چڪاس ڪرڻ جو فيصلو ڪيو ويو آهي، هر هڪ ملڪ وڌندڙ خوف سبب ڪورونا وائرس جي مريضن جي انگ کي لڪائي رهيو آهي.

ڪورنا وائرس سبب عالمي سطح تي ڪاروبار به ٺپ ٿي ويو آهي ۽ جاني ۽ مالي نقصان به وڏو ٿيو آهي، هي خطرناڪ وائرس دنيا جي 102 ملڪن تائين پکڙجي ويو آهي۽رپورٽون آهن ته وائرس سبب فوتين جو انگ 36 سئو کان وڌي ويو آهي، جڏهن ته چين ۾ فوتين جي انگ ۾ گهٽتائي اچي رهي آهي ۽ ڪيترائي ماڻهو صحتياب به ٿي ويا آهن پر ڪورونا وائرس ٻين ملڪن ۾ تيزي سان پکڙجي ويو آهي، جيڪڏهن علاج نه ڳوليو ويو ته جاني نقصان وڌڻ جو خدشو وڌي ويندو. ڇاڪاڻ ته يورپ ۽ آمريڪا ۾ فوتين جي انگ ۾ تيزي سان اضافو ٿي رهيو آهي. فرانس ۾ به فوتين جو انگ وڌي 16ٿي ويو آهي، اسپين ۾ 10 ۽ آمريڪا جي مختلف رياستن ۾ به فوتگيون تيزي سان وڌي رهيون آهن، خبرون آهن ته آمريڪا ۾ فوتين جو انگ 19 ٿي ويو آهي ۽ 442 ماڻهو بيمار آهن. مختلف ملڪن ۾ به ڪورونا وائرس جي مريضن جو انگ وڌي رهيو آهي،

آمريڪا، برطانيا، ڀارت ۽ ٻين ملڪن ۾ به ڪورونا وائرس جا ڪيس ظاهر ٿيا آهن، جنهن سبب پاڪستان ۾ به تعليمي ادارا بند رکيا آهن، گذريل ڏينهن سعودي عرب به سمورن تعليمي ادارن کي بند ڪرڻ جو شاهي حڪم جاري ڪيو هو ۽ ايندڙ شاهي حڪم تائين سمورا تعليمي ادارا بند رکڻ جي هدايت ڪئي هئي، ايتري قدر جو ماڻهن جي چرپر تي به ڪرڙي نظر رکي پئي وڃي، عمري تي به پابندي لڳائي وئي آهي، اهو سڀ ان ڪري ٿي رهيو آهي ته ڪورونا وائرس هڪ شخص کان ٻئي شخص ڏانهن تيزي سان پکڙجي رهيو آهي، پر هن وقت تائين ڪو به ملڪ انهيءَوائرس جي وئڪسين تيار ڪري ۾ ڪامياب نه ٿي سگهيو آهي، هونئن ته چين طب ۾ سان کان وڌيڪ اڳتي آهي، حڪيمي دوائون تيار ڪرڻ ۾ به ٻاهر آهي، ڇاڪاڻ ته چين ۾ ماضي ۾ جڙين ٻوٽين مان ئي علاج ڪيو ويندو هو، جنهن جو ثبوت موجوده دور ۾ چين پاران ڪيل تيار ڪيل دوائون آهن، پر هن وقت تائين ڪنهن به ملڪ انهيءَ خطرناڪ وائرس کي ختم ڪرڻ جي دعويٰ ناهي ڪئي، ڪجهه ماڻهو ميدان ۾ لٿل آهن، جيڪي چئي رهيا آهن ته بصر کائڻ سان ڪورونا وائرس ختم ٿي وڃي ٿو، ڪجهه جو چوڻ آهي ته گهرن ۾ دونهون ڪرڻ سان ڪورونا وائرس ختم ٿي ويندو آهي، ته ڪجهه ماڻهن جو چوڻ آهي ته ڀنگ پيئڻ ڪورونا وائرس جو علاج واحد علاج آهي، سوشل ميڊيا تي وري ڪجهه ماڻهن جو چوڻ آهي ته ڪريلي جو جوس ٺاهي پيئڻ سان ڪورونا وائرس ختم ٿي ويندو آهي، علاج جون اهڙيون خبرون تيستائين گردش ڪنديون رهنديو، جيستائين عالمي طاقتون ڪورونا وائرس جو علاج ڳولڻ ۾ ڪامياب نه ٿيون ٿين.

جيڪڏهن ڏٺو وڃي ته ڪورونا وائرس سڄي دنيا ۾ ٿرٿلو مچائي ڇڏيو آهي، ڪورونا وائرس کي روڪڻ جي سلسلي ۾ پاڪ افغان بارڊر کي وڌيڪ هڪ هفتي جي لاءِ بند ڪيو ويو آهي، اٽلي ۾ به ڪورونا وائرس سبب خطرناڪ صورتحال پيدا ٿي وئي آهي، عالمي ميڊيا تي خبرون هلي رهيون آهن ته ڪيترائي ماڻهو ڪورنا وائرس ۾ مبتلا ٿي چڪا آهن ۽ هڪ ڏينهن ۾ وائرس 133 ڄڻن جون حياتيون ڳڙڪائي چڪو آهي، جنهن کانپوءِ وائرس بب فوتين جو انگ 366 کان وڌي ويو آهي، حڪومت هڪ ڪروڙ 60 لک ماڻهن جي آبادي کي قرنطينه ۾ رکڻ جو فيصلو ڪيو آهي، اٽلي جي عملدارن جو چوڻ آهي ته وائرس سبب متاثرن جو انگ 5883 کان 7375 تائين پهچي ويو آهي، جڏهن ته اٽلي جي حڪومت اسڪولن ۽ يونيورسٽي کي پهريان ئي 15 مارچ تائين بند ڪيو آهي. چين طرفان وائرس ۾ مبتلا مريضن لاءِ اسپتالون به تيار ڪيو ويو آهي، جڏهن ته چين ۾ ڪورونا وائرس جي مريضن کي قرنطينه ۾ رکڻ لاءِ استعمال ٿيندڙ هوٽل پٽ پئجي ويو جنهن جي نتيجي ۾ 6 ڄڻا فوت ٿي چڪا آهن،

پاڪستان ۾ به ڪورونا وائرس جا ڪيس ظاهر ٿيڻ جو سلسلو شروع ٿي ويو آهي، اسلام آباد ۽ ڪراچي ۾ ڪيس ظاهر ٿيا آهن، جنهن سبب پاڪستان ۾ به خوف وڌي ويو آهي، ڀارت ۾ به ڪيس ظاهر ٿيا آهن پر پاڪستان ڳڻتي واري صورتحال پيدا ٿي رهي آهي، سوشل ميڊيا تي بحث هلي رهيو آهي ته پاڪستان ۾ ڪورونا وائرس جو انگ لڪايو پيو وڃي ته ٻئي طرف حڪومتي عملدارن جو چوڻ آهي ته پاڪستان ۾ ڪورونا وائرس جي صورحال ڳڻتي جوڳي نه آهي، ماڻهو بنا سبب جي ماسڪ نه لڳائن، جيئن پاڪستان ۾ ڪورنا وائرس جا ڪيس ظاهر ٿيا آهن، ان ڏينهن کان ماسڪ دڪانن تان غائب ٿي ويو آهي، نفعي خورن ماسڪ جا اگهه به وڌائي ڇڏيا آهن، پنج ڏهن روپين وارو ماسڪ سئو کان به وڌيڪ اگهه تي وڪرو ڪري رهيا آهن، جڏهن ته ڪافي هنڌن تي ڪورونا وائرس کان بچڻ وارو ماسڪ ته ملي ئي نه ٿو، ڪجهه ماڻهو روڊن تي ڪورونا وائرس کان بچڻ لاءِ ماسڪ به ورهائي رهيا آهن پر ماڻهو خوف مان وٺن ئي نه پيا، بحرحال ڪورونا وائرس کي حڪومت سنجيدگي سان وٺي، هن وقت ئي چين وانگر اسپتالون قائم ڪيون وڃن ۽ ڊاڪٽرن جون موڪليون به رد ڪيون وڃن، جيئن اسڪولن کي بند ڪري ٻارڙن جون حياتيون بچائڻ جي ڪوشش ڪئي وئي آهي، ايئن ڊاڪٽرن کي هر وقت اسپتالن ۾ حاضر رهڻ جي هدايت ڪئي وڃي ته متان حالتون هٿن مان نڪري وڃن، ڪورنا وائرس جا ڪيس ڪراچي ۾ ظاهر ٿيڻ وڏي ڳڻتي جوڳي ڳالهه آهي، جنهن سبب حڪومت کي تڪڙا قدم کڻڻ گهرجن، پاڪستان ۾ صحت ايمرجنسي لاڳو ڪئي وڃي.

Pages

Friday 27 March 2020

Friday 20 March 2020

Thursday 19 March 2020

Sunday 15 March 2020

Thursday 12 March 2020

Tuesday 10 March 2020

Monday 9 March 2020