Sunday 31 July 2016
هيپاٽائيٽس ۾ ورتل ڪي اين شاهه واسي جي هيپاٽائٽش جي عالمي ڏينهن تي علاج لاءِ درد منداڻي اپيل
چوندا آهن ته سنڌ گدڙن ناهي کاڌي،
پر هي هڪ حقيقت آهي ته سنڌ کي گدڙَ کائين
نه کائين پر ڪاري ڪامڻ يا هيپاٽائٽس ضرور
کائي ئي بس ڪندي. هيپاٽائيٽس عرف عام ڪاري ڪامڻ سنڌ جي 58 سيڪڙو آبادي کي پنهنبجي لپيٽ ۾ آڻي
ڇڏيو آهي. اها بيماري هيپاٽائيٽس ئي آهي جنهن سڄي سنڌ جي ماڻهن جا هڻي ڀاڳا لاهي
ڇڏيا آهن. ۽ حڪمران رڳو اجلاس ڪرڻ ۾ پورا آهن.
هي اسڪرين تي نظر ايندڙ خير پور ناٿن شاهه سان تعلق رکندڙ شخص غلام نبي
منگي آهي جنهن کي هن موذي مرض پنهنجي لپيٽ
۾ اهڙي طرح جڪڙي ڇڏيو آهي جيڪو پنهنجي زندگي کي پنهنجي اکين اڳيان موت جي ويجھو
ويندي ڏسي رهيو آهي. ايس اوٽي ..........................ڀاءُ
بيماري جي ور چڙهيل هن نوجوان جا
گھر ڀاتي چون ٿا ته سندس علاج لاءِ گھر جو الهه تلهه وڪڻي ڇڏيو آهي ۽ هاڻي اهِڙي
طاقت نه رهي آهي ته ڀاءُ جو علاج وڌيڪ ڪرائي سگھجي. سندن موجب ته غريبي جي حال ۾
پنهنجا مال متاح ۽ ڇنو مَنهَنُ وڪڻي ڀاءُ جي علاج ۾ ڪا به ڪسر ناهي ڇڏي پر مرض آهي
جو موٽ کائڻ جو نالو ئي نه ٿو وٺي
..........ايس اوٽي.........................................
ڀاءُ
جيتوڻيڪ پاڪستان جي ڪنڊ ڪڙڇ مان
علاج ڪرائي ٿڪجندڙ هن مريض بابت ڊاڪٽر چون ٿا ته
غلام نبي جو 90 سيڪڙو جيرو ڪم ڪرڻ ڇڏي ڏنو آهي. پر اهو بلڪل به ناهي ته هن
جو علاج ممڪن ناهي . هن جو علاج چڳي نموني سان ٿي سگهي ٿو جيڪڏهن هن کي
پرڏيهه وٺي وڄي علاج ڪرائجي..........اسي
اوٽي................................... ڀاءُ
اسڪرين تي نظر ايندڙ اها بد نصيب
ماءُ آهي جيڪا پنهنجي نوجوان پُٽ کي موت جي ويڙهي ۾ ويندي روز ڏسي ٿي ۽ ان جي موت
کان اڳ پل پل پاڻ مرندي رهي ٿي. سندس
هٿ پنهنجي پُٽ جي زندگاني بچائڻ لاءِ خدا
جي درٻار ۾ اٿندا رهن ٿا جن هٿن سان هنن حڪمرانن کي پنهنجن ساڳن ئي هٿن سان
ووٽ جي پرچي تي ٺپو هڻي اقتدار جي مسندن جا مزا ماڻڻ جو موقعو فراهم ڪيو
هئو.
..................ايس اوٽي..................................
ماءُ
هن امڙ جي رڳو ايتري التجا آهي ته
اي حڪمرانو موت ڀر ويندي منهنجي نوجوان پُٽ کي رڳو ان اک سان ڏسو ته ڀلي
هيپاٽآئيٽس وگھي نه پر ڪنهن ٻئي سبب ئي
توهان جو ڪو اولاد ان ساڳي بستر ڀيڙو ٿي سگھي ٿو. جنهن ڪري ڊاڪٽرن پاران ڏياريل ان
اميد کي پنهنجي اولاد واانگر آڇيل اميد سمجھي منهنجي اجڙندڙ جھولي اجڙڻ کان بچائي
منهنجي پٽ جو علاج ٻاهرين ڪنهن ملڪ مان ڪرائي مون کي جيئڻ جو سبب ڏيو.
ايس اوٽي .......................
ماءُ
بيماري جي ور چڙهيل هن پورهيت جو
ڏوهه صرف ايترو آهي ته هو هڪ غريب ۽ مزدور گھراڻي ۾ پيدا ٿيو آهي. ٻيو وري سندس
تعلق ان سنڌ سان آهي جيڪا کربين روپيا ڪمائي هن ملڪ جو نه رڳو ڪارونهنوار هلائي ان
کي قائم رکڻ جو جواز بڻيل آهي پر حڪمرانن
۽ ايوانن ۾ مشڪريون ڪندڙ نمائيندن کي اهو موقعو فراهم ڪري ٿي ته کيس لُٽي ڦري
پنهنجا گھر ڀرين ۽ عوام ڏي منهن ڪري اوڳرايون به نه ڏين.
سنڌ ۾ هيپاٽائيٽس جي روڪٿام لاءِ
عالمي ادارن جي مالي مدد سان اربين روپين جا پروگرام هلندڙ آهن پر جيڪڏهن سنڌ جي
ان 58 سيڪڙو بيماري ۾ ورتل ماڻهن تي يا
وري اسپتالن ۽ رَي علاج موت جو کاڄ بڻجندڙن جو انگ ڏسجي ٿو ته اهو يقين ٿي وڃي ٿو ته اهو پيسو ان علاج جي بدران حڪمرانن ۽ ڪامورن جي پيٽن ۽ عياشين تي ئي خرچ
ٿيو هوندو.
هن وقت سنڌ جي 58 سيڪڙو آبادي
هن ڪاري ڪامڻ جهڙي ڪاري مرض ۾ ورتل آهي. ۽
هن مرض سبب هر روز ڪيترن ئي گھرن مان بي وس انسانن جا لاش نڪرندا رهن ٿا. اهڙي
صورتحال ۾ دردن جي ماريل هي ماءُ هن سرڪار ۽ چونڊيل نمائندن کان هڪ نماڻي گذارش ڪري ٿي ڪنهن به طريقي سان سندس پُٽ جي
زندگي بچائڻ لاءِ قدم کنيو وڃي.
هي ڪيڏي نه بد قسمتي آهي جو هڪ
طرف دنيا ۾ هيپاٽائٽش سي خاتمي لاءِ عالمي ڏينهن ملهايو پيو وڄي ته وري هن ئي
ڏينهن هڪ ماءُ پنهنجي پُٽ جي زندگي ان ڏائڻ بيماري جي چمبي مان آزاد ڪرائڻ لاءِ
التجا ڪري رهي آهي.
ايس اوٽي
............................ماءُ
ايئن ناهي ته ڪو سرڪار وٽ وسيلا
ناهن . سرڪار وٽ اهڙن معاملن لاءِ الڳ فنڊ موجود هوندا آهن پر جيڪا کوٽ هوندي آهي
اها ڪنهن جي مدد ڪرڻ واري نيت جي کوٽ
هوندي آهي. ڏسڻو هي آهي ته هن تڪ مان چونڊيل نمائيندن ۽ وس وارن جي هيانءَ کي
ڪيتري ڇٻ اچي ٿي ۽ هو هن لاچار ماءُ جي اجڙندڙ جھولي کي بچائڻ لاءِ ڪيترو
اڳتي اچن ٿا.
اقبال کوهارو
صوفين جي ڌرتي انتهاپسندي جي ورچڙهيل
صاحب خان ڀٽي
جڏهن افغان مهاجرن کي سنڌ ۾ ترسائڻ جي فيصلو ڪيو ويو هو ته ان وقت سنڌ جي ساڃاهه
وندن کي اهو کٽڪو ٿيو هو ته انهن جي اچڻ سان سنڌ اندر انتهاپسندي وڌي ويندي پر سنڌ
جي حڪمرانن انهن جي هڪ به نه ٻڌي ۽ اڄ سنڌ مذهبي انتهاپسندي جي باهه ۾ ٻري رهي
آهي، هي ڌرتي جيڪا اڳ امن ۽ ڀائيچاري جي اعليٰ مثال سان سڃاتي ويندي هئي ان کي اڄ
مذهبي انتهاپسندي جو ڳڙهه ڪوٺيو پيو وڃي پر ان باوجود اسان جي حڪمرانن جي ڪن تي
جونءَ به نه چري رهي آهي اهي صرف پنهنجو اقتدار بچائڻ ۽ ڪرپشن لڪائڻ ۾ مصروف نظر
اچي رهيا آهن، جنهن سبب سنڌ واسين جي جان ۽ مال عير محفوظ بڻيل آهي. ڪراچي، حيدرآباد، لاڙڪاڻو، جيڪب آباد ۽
سکر سميت ٻين شهرن ۾ انتهاپسندي وڌندي پئي وڃي ۽ ان جي ڪري ئي هتان جون عبادتگاهون
دهشتگردن جي نشاني تي آهن. ڪڏهن دهشتگرد امام بارگاهن تي حملو ڪري رهيا آهن ته ڪڏهن
وري مسجدن کي نشانو بڻايو ويندو ، جنهن
سبب هن وقت سنڌ ۾ امن ۽ ڀائيچاري واري فضا ختم ٿيندي پئي وڃي ۽ سنڏي ڀائر مذهب ڪٽرپڻي جي ڄار ۾ ڦاسجندا پيا وڃن جن کي
بچائڻ لاءِ ڪو به اڳتي نه اچي رهيو آهي. ڪجهه عرصو اڳ سنڌ سميت سڄي ملڪ ۾ اهو
فيصلو ڪيو ويو هو ته جيڪي به مدرسا غير رجسٽرڊ آهن انهن خلاف ڪارروائي ڪئي ويندي۽
مختلف هنڌن تي اهڙا قدم کڄندي به ڏٺو ويو پر
هاڻ ان عمل ۾ به ٺاپر اچي چڪي آهي،
جنهن سبب گهوٽڪي جهڙا افسوس ناڪ واقعا پيش اچي رهيا آهن جنهن سبب مذهبي
انتهاپسندي کي هٿي ملي رهي آهي ۽ عوام خوف
۾ مبتلا ٿي چڪو آهي. جيڪڏهن حڪومت هن وقت
مذهبي انتهاپسندي پکيڙيندڙن خلاف قدم نه کنيو ته حالتون اڃان وڌيڪ خراب ٿي
وينديون، ڇاڪاڻ ته سنڌ جا دشمن اها سازش ڪري رهيا آهن ته ٻين صوبن جيان هتان جون
حالتون به خراب ٿين ۽ انهن کي ڳالهائڻ جو موقعو ملي وڃي، سنڌ جا ويري گذريل ڪيتري
ئي عرصي کان سنڌين کي اقليت ۾ تبديل ڪرڻ
لاءِ سازشون به ڪري رهيا آهن جنهن سبب ڪڏهن افغان مهاجرن جي لوڌ سنڌ ۾ ڀري ويندي آهي ته ڪڏهن ٻين
ملڪن جي مهاجرن کي سنڌ ۾ آباد ڪرڻ لاءِ فنڊ ورتا ويندا آهن ۽ اهو سلسلو هن وقت به
جاري آهي،
هن وقت به سنڌين کي اقليت ۾ تبديل ڪرڻ لاءِ ڪيترن ئي منصوبن تي ڪم هلي رهيو
آهي ۽ انهن سنڌ دشمن منصوبن جي پٺڀرائي به سنڌ جا حڪمران ئي ڪري رهيا آهن، انهن کي
خبر به آهي ۽ انهن کي اها مڪمل ڄاڻ به آهي
ته اهي منصوبا سنڌين کي اقليت ۾ تبديل ڪري ڇڏيندا پر ان باوجود هو اهو زهر جو ڌڪ پئي رهيا آهن ۽ عوام کي
پنهنجي مايوس ۽ پريشان چهرن ذريعي اهو دلاسو به ڏئي رهيا آهن ته انهن منصوبن سان سنڌ ۾ ترقي به ٿيندي، بهرحال اهو ڪهڙو
سبب آهي جو سڌ جا چونڊيل نمائندا اهڙن خطرناڪ منصوبن جي حمايت ڪرڻ تي مجبور ٿيا
آهن، ان بابت انهن کي ئي خبر هوندي، پر هاڻ ڳالهه انهن سنڌ دشمن منصوبن کان به مٿي
هلي وئي آهي ۽ سنڌ کي انتهاپسندي طرف ڌڪيو پيو وڃي. جنهن کي روڪڻ لاءِ هر هڪ شخص کي پنهنجو ڪردار ادا ڪندو
ته جئين امن ۽ ڀائيچاري واري فضا هڪ ڀيرو ٻيهر قائم ٿي سگهي. هر طرف اهي هوڪا آهن
ته تبديلي اچي رهي آهي، اها تبديلي ڪڏهن ايندي، ان بابت شايد اسان جي حڪمرانن کي
خبر نه هوندي.سنڌ اندر چهرن جي تبديلي به ڪئي وئي آهي، ڳوڻي وڏي وزير سيد قائم علي
شاهه جي وڃڻ کان پوءِ سيد مراد علي شاهه وڏ
وزارت سنڀالي ورتي آهي ان باوجود هن وقت تائين رينجرز کي مستقل يا عارضي طور سنڌ ۾
رکڻ جو ڪو به فيصلو نه ڪيو ويو آهي. جنهن جي ڪري جڏهن به رينجرز جي خاص
اختيارين جي مدي ۾ واڌ جو وارو ايندو آهي
ته ان وقت اهو معاملو پيپلزپارٽي جي هڪ چيلينج بڻجي ويندو ۽ ٻيهر حالتون خراب ٿيڻ طرف هلي وينديون آهن، جنهن جو
مثال ڪراچي ۾ فوج جي ٻن اهلڪارن جي شهادت مان به ملي ٿو، جنهن مان اندازو لڳائي
سگهجي ٿو ته دهشتگرد انتهائي سرگرم ٿي ويا آهن جيڪي فوجي اهلڪارن کي به نشانو بڻائي
رهيا آهن، جن فوجي اهلڪارن کي ڪراچي ۾ نشانو بڻايو ويو، اهي به ويچارا سنڌي ئي ٻڌايا
پيا وڃن ۽ لاڙڪاڻي ۾ جن رينجرز اهلڪارن تي
حملو ٿيو اهي به سنڌي ئي آهن، بهرحال هن وقت هڪ طرف سنڌ ۾ دهشتگردي ختم ٿيڻ جو
نالو نه وٺي رهي آهي ته ٻي طرف وري مذهبي انتهاپسندي وڌي رهي آهي، شايد اهو ڪنهن
سوچيو به نه هو ته صوفين جي ڌرتي کي
انتهاپسندي اوڏهي جيان کائي ويندي پر خدشو هاڻ سچ ثابت ٿيڻ طرف وڃي رهيو
آهي.
جيڪڏهن هن وقت سياسي توڙي سماجي تنظيمن هڪ ٿئي
آواز نه اٿاريو ته شايد اهي مذهبي انتهاپسند سنڌ ۾ رت جون نديون وهائڻ ۾ ڪامياب ٿي
ويندا. هڪ طرف افغانستان به سرحد وٽ اسان جي سيڪيورٽي اهلڪارن تي حملا ڪري رهيو
آهي ته ٻي طرف وري ڀارت به پنجاب جي سرحدي علائقن تي مختلف وقتن تي گولا باري ڪندو
رهيو آهي، جنهن خلاف پاڪستان آواز به اٿاريندو به رهيو آهي، جڏهن افغانستان سرحد تي پاڪستاني سيڪيورٽي اهلڪارن کي نشانو بڻايو
ته ان وقت اسان جي حڪمرانن چيو هو ته افغانستان ٻين جي هٿن ۾ کيڏي رهيو آهي جنهن تي افغان صدر چيو هو ته هو ڪنهن
جي ب اشارن تي نه هلي رهيا آهن. جن افعان مهاجرن کي ملڪ اندر پناهه ڏني وئي هئي اهو ئي ملڪ اڄ پاڪستان سيڪيورٽي اهلڪارن کي
نشانو بڻائي رهيو آهي. هي اها ئي سرحد هئي جنهن بابت چيو ويندو هو ته ملڪ کي ان سرحد وٽان ڪو به
خطرو نه آهي، بهرحال هاڻ ٻنهي ملڪن ۾ حالتون وڌيڪ بهتر ٿي ويون آهن پر جيڪڏهن افغان مهاجرن کي سنڌ مان واپس افغان نه موڪليو
ويو ته هتان جون حالتون اڃان وڌيڪ خراب ٿي وينديون، جنهن جي ڪري اسان جي حڪمرانن
کي گهرجي ته اهي افغان مهاجرن جي واپسي جو
جلد کان جلد بندوبست ڪن ته جئين صوفين جي ڌرتي کي مذهبي انتهاپسندي کان بچائي
سگهجي. ڇاڪاڻ ته ڪجهه اهڙا عنصر به سرگرم ٿي ويا آهن جيڪي ماڻهن جو برين واش ڪري
انهن کي مذهبي انتهاپسندي طرف ڌڪي رهيا
آهن جن کي روڪڻ لاءِ ڪير به اڳتي نه وڌي رهيو آهي.گذريل ڪيتري ئي عرصي کان
سنڌ ۾ هندو ڀائرن کي مذهبي انتهاپسندي جو نشانو بڻايو پيو وڇي، جنهن جي ڪري ڪيترائي
ڪٽنب هن ڌرتي ماءُ کي ڇڏڻ تي مجبور ٿيا، مذهبي انتهاپسندي جي ور چڙهيل ڪٽنبن اکين مان لڙڪ ڳاڙيندي هن ڌرتي
کي الواداع ڪيو جنهن جون خبرون ڪيترن ئي اخبارن ۽ ٽي وي چينلن تي به نشر ٿيون هيون
۽ ٿي رهيون آهن پر اڄ به سنڌ جا ساڃاهه وند خاص طور تي اسان جا حڪمران خاموش
تماشائي بڻيل آهن جن هن وقت تائين انهن مذهبي انتهاپسندي دهشتگردن کي گرفتار ڪرڻ
لاءِ ڪو به قدم نه کنيو آهي جيڪي مذهب جي نالي تي سنڌي ڀائرن کي حراسان ڪري رهيا
آهن ۽ انهن جي ملڪيتن تي قبضي ڪرڻ جي به ڪوشش ڪري رهيا آهن ۽ ڪجهه هنڌن تي اهي
مذهبي انتهاپسند ڪيترن ئي ڳڀرو نوجوانن کي
شهيد ڪري رهيا اهن ۽ اهڙن واقعن کي مذهبي رنگ ڏنو پيو وڃي،
اڄ صوفين جي ڌرتي کي جڏهن مذهبي انتهاپسندي
جي ور چاڙهيو ويو آهي تڏهن به اسان جي سڄي سنڌي قوم خاموش آهي ۽ انهن مذهبي نفرتون
پکڙيندڙن کي سڃاڻڻ باوجود انهن خلاف ڪو به قدم نه پيو کنيو وڃي. گهوٽڪي واقعي به ڪيترن ئي ماڻهن جون ننڊون ڦٽائي ڇڏيون آهن، گهوٽڪي ويجهو قتل ٿيل
نوجوان ستيش ڪمار جي واقعي جو به سنڌ حڪومت ڪو
به خاص نوٽيس نه ورتو آهي ۽ نه ان نوجوان جي قاتلن کي گرفتار ڪيو ويو آهي.
جيتوڻيڪ ڪجهه قومپرست جماعتن همت جو
مظاهرو ڪري مذهبي انتهاپسندي نامنظور جا نعرا هنيا آهن ۽ ريلون به ڪڍيون آهن جيڪو
تمام بهترين قدم آهي پر حڪومتي سطح تي هن وقت تائين ڪا جاڳرتا مهم نه هلائي وئي آهي جنهن مان لڳي
پيو ته حڪومت مذهبي انتهاپسند ي جي
خاتمي لاءِ سنجيده نظر نه اچي رهي آهي. جڏهن
پيپلزپارٽي چيئرمين بلاول ڀٽي زرداري هولي
ملهائي هئي ته ان وقت هندو ڀائرن سميت سڄي سنڌ واسين ۾ خوشي جي لهر ڇائنجي وئي
هئي اهو تصور ڪيو پئي ويو ته هاڻ مذهبي
انتهاپسندي کي ختم ڪرڻ لاءِ وڌيڪ اپاءُ
ورتا ويندا ۽ ڪنهن به شخص کي مذهب جي آڙ ۾ پنهنجو ذاتي بدلو وٺڻ جي همت نه ٿيندي،
پر هاڻ جڏهن سنڌ اندر هڪ دفعو ٻيهر هندو ڀائرن کي قتل ڪيو پيو وڃي ته بلاول ڀٽو
زرداري انهن جي وارثن وٽ لڙي به نه ويو
آهي ۽ نه ئي ڪو ٻيو حڪومتي عملدارن انهن جي دانهن ورنائڻ لاءِ پهتو آهي، جنهن سبب عوام ۾ ڳڻتي پيدا ٿي وئي
آهي. هونءَ ته گذريل ڪيتري ئي عرصي کان سنڌ جي دشمنن جي اها
سازش رهي آهي ته هتان جو امن ختم ڪيو وڃي، پر هتان جي ساڃاهه وند ڌرين انهن جي سازشن کي ناڪام بڻايو آهي، هاڻ به جڏهن مذهبي انتهاپسندي نا
منظور جون ريليون نڪري رهيون آهن ته سنڌ جي دشمنن جون ننڊون ڦٽي ويون آهن، قومپرست ڌريون به انتهاپسندي جي
خاتمي لاءِ ريليون ۽ جاڳرتا مهم هلائي
رهيون آهن پر اسان جي حڪومت هن وقت خاموش آهي.
Saturday 30 July 2016
سائبر ڪرائيم بل، اظهار آزادي تي پابندي
صاحب خان ڀٽي
سڄي دنيا اندر سائبر ڪرائيم جي روڪٿام لاءِ قدم کنيا پيا وڃن، آمريڪا،
برطانيا ۽ ٻين کوڙ سارن ملڪن ۾ ڪيترائي قانون به پاس ڪرايا ويا آهن پر ان باوجود
انهن ملڪن ۾ سائيبر ڪرائيم ۾ ڪا به گهٽتائي نه اچي سگهي آهي، اسان جي ملڪ اندر به سائبر
ڪرائيم بابت بل پاس ڪيو ويو آهي، جنهن جي
واکاڻ ڪندي اسان جا حڪمران ٿڪجن نه پيا ۽
اها دعويٰ ڪئي پئي وڃي ته هاڻ انٽرنيٽ تي ڏوهه ڪرڻ وارو ڪنهن صورت ۾ بچي نه سگهندو
ڇاڪاڻ ته هاڻ اسان جي ملڪ ايتري ٽيڪنالاجي اچي چڪي آهي جنهن سان ان ڏوهه تي
ڪنٽرول آڻي سگهجي ٿو، جيڪڏهن ڏٺو وڃي ته
موسميات کاتي جي عملدارن کي به جديد دور
جا اوزار ڏنا ويا آهن پر اڄ تائين انهن جي
اڳڪٿي هڪ به درست نموني ثابت نه ٿي سگهي آهي، برسات جي اڳڪٿي هجي يا ڪنهن طوفان
جي، خبر ئي نه پوندي آهي ته اها اڳڪٿي درست ثابت ٿيندي يا نه . بهرحال هاڻ اسان جي ملڪ ۾ سائبر ڪرائيم جو بل پاس ٿي
چڪو آهي ۽ ان تي عملدرآمد به هتان جا حڪمران ئي ڪرائيندا. اٺ ڪلهه دنيا ۾ اندر
سائبر ڪرائيم تيزي سان پکڙجي رهيو آهي، جنهن کان
اسان جو ملڪ به نه بچي سگهيو آهي، ٻڌڻ ۾ آيو آهي ته گذريل ست اٺ سالن کان ڪيترائي ڪيس
رجسٽرڊ ٿيا آهن جن جي تعداد ۾ اضافو به ٿي رهيو
آهي. آمريڪا، برطانيا، ڀارت ۽ ترڪي سميت ٻين ڪيترن ئي ملڪن ۾ هيڪرز به
سرگرم ٿي ويا آهن جيڪي ڪنهن ٻئي جي ڪمپيوٽر ۾ داخل ان جو سڄو مواد پاڻ وٽ ڪاپي ڪري
وٺن ٿا يا وري ڪڏهن ڪڏهن هيڪرز ويب سائيٽس به هيڪ ڪري ان تي پنهنجي مرضي جو مواد
رکي ڇڏين ٿا. اهڙي هيڪنگ آمريڪا توڙي ٻين ملڪن ۾ ڪئي وئي آهي. صدارتي اميدوار
هيلري ڪلنٽن جي ايميل کي هيڪ ڪيو ويو هو ۽ آمريڪا جون ٻيون کوڙ ساريون اهڙيون ويب
سائيٽون هيون جن کي هيڪرز هيڪ ڪرڻ ۾ ڪامياب ٿي ويا هئا، جنهن سبب آمريڪا به سائبر
ڪرائيم تمام گهڻو پريشان آهي، ترقي يافته ملڪن م سائبر ڪرائيم جا بل ان ڪري پاس
ڪيا ويندا آهن ته جئين انهن جي ملڪن جون حساس ادارن جون ويب سائٽون هيڪ ٿينديون
آهن ۽ انهن جو ڳجهو مواد به شيئر ڪيو ويندو آهي جنهن سبب هيڪرز کي سزائون ڏنيون
وينديون آهن پر افسوس جو اسان جي ملڪ ۾ سائبر ڪرائيم بل ان ڪري پاس ڪيو ويو ته
جئين ڪنهن به سياستدان يا اهم شخصيت خلاف ڪنهن کي پوسٽ يا تصوير شيئر ڪرڻ جي همت
نه ٿئي ، هن بل کي پاس ڪرائي اسان جا حڪمران اهو سمجهي رهيا آهن ته هو پنهنجا ڪرتوت لڪائڻ ۾ ڪامياب ٿي ويندا ته اها
انهن جي وڏي ڀل آهي،
ڪرپٽ ڪامورن کي بي نقاب ڪرڻ جو واحد ذريعو سوشل ميڊيا آهي جنهن تي به اسان
جي حڪمرانن پابندي لڳائڻ جي ڪوشش ڪئي آهي. سينيٽ ۾ مخالف ڌر طرفان ڇهن مهينن کان
پوءِ قانون تي عمل ڪرائڻ رپورٽ پيش ڪرڻ جي ترميم ڏني وئي، جڏهن سائبر ڪرائيم بل قومي اسيمبليءَ مان منظور
ڪيو ويو تڏهن مخالف ڌر طرفان به اعتراض اٿاريا ويا هئا جنهن بعد سينيٽ ۾ مخالف ڌر جي 50 ترميمون بل ۾ شامل ڪيون
ويون ۽ بل کي گڏيل طور منظور ڪيو ويو. سائبر ڪرائيم بل کي سينيٽ مان منظور ڪرائڻ بعد ٻيهر قومي اسيمبليءَ ۾ موڪليو ويندو
جتان منظوريءَ کان پوءِ بل منظوريءَ لاءِ صدر ڏانهن اماڻيو ويندو، جيڪڏن صدر ممنون
حسين سائيبر ڪرائيم جي منظوري ڏني ته پوءِ ان تي عمل ڪرائڻ لازمي ٿي ويندو، پر اتي
سوال اهو پيدا ٿو ٿئي ته ڇا اسان جي ملڪ اندر ايترا وسيلا آهن، جنهن جي ذريعي اسان
جا ادارا سائبر ڪرائيم تي ضابطو آڻڻ ۾
ڪامياب ٿي ويندا، هاڻ اهو ته وقت ئي ٻڌائيندو ته هن بل کي ڪيتري حد تائي عمل
ٿيندو. پيپلزپارٽي جي چيئرمين بلاول ڀٽو زرداري به سائبر ڪرائيم بل تي ڳڻتي جو
اظهار ڪيو، بلاول ڀٽو زرداري پنهنجي بيان ۾ چيو آهي ته سائبر ڪرائيم بل ۾ ترميم
ٿيل ڪجهه شقون بنيادي انساني حقن جي ڀڃڪڙي آهي ۽ اهو به چيو آهي ته پيپلزپارٽي
ڪنهن به صورت ۾ ان بل جي حمايت نه ڪندي، حڪومت ۽ مخالف ڌر ۾ اتفاق ٿيڻ کانپوءِ جڏهن
سائبر ڪرائيم بل منظور ڪيو ويو تنهن وقت سڄي ملڪ ۾ اهڙي بل جي مخالفت ڪئي وئي
ڇاڪاڻ ته جيڪي سزائون ٻڌايون ويون ۽ جن
شين کان منع ڪيو ويو، اهو قدم حڪمرانن جي ڪرپشن کي برقعو پارائڻ جي برابر آهي، جيڪڏهن صدر ممنون حسين سائبر ڪرائيم جي بل
جي منظوري ڏئي ڇڏي ٿو ته پوءِ شايد ڪو ماڻهو پنهنجي راءِ سوشل ميڊيا تي نه ڪڏهن به نه ڏئي سگهندو. ماضي
۾ جڏهن هڪ سياسي پارٽي جي سربراهه خلاف ايس ايم ايس مهم شروع ٿي هئي ته ان وقت به
اسان جي حڪمرانن وڏا وڏا قانون آندا هئا ۽
اهڙو ساففٽئر آڻڻ جي دعويٰ ڪئي هئي ته هاڻ
ڪو به گار گند وارو ميسج نه ڪري سگهندو، ڇاڪاڻ ته ان سافٽئير ۾ هر هڪ گارگند واري لفظ کي ايڊ ڪيو ويو هو، جنهن
سبب ڪو به ماڻهو اهڙا ميسج نه ڪري سگهندو، اڄ جڏهن عوام جو آواز دنيا تائين نه
پهچي رهيو آهي ته ان وقت عوام سوشل ميڊيا کي هٿيار بڻايو آهي ۽ حڪمران انهن جي
آواز کي دٻائڻ جي ڪوشش ڪري رهيا آهن،
سينيٽ ۾ اپوزيشن جي ترميمن سان گڏ
جيڪو سائبر ڪرائيم بل پاس ڪيو ويو آهي، ان تحت سائبر دهشتگردي ڪندڙ جاوبدار کي 14
سال قيد جي سزا ڏني ويندي ۽ 50 لک روپيا ڏنڊ به وڌو ويندو. سائبر ڪرائيم بل ۾ اهو
به شامل آهي ته جيڪڏهن ڪو به شخص مخالف، مذهبي، فرقيواراڻو يا لساني مواد رکندو
ته ان کي 7 سال قيد جي سزا ڏني ويندي. سنيٽ ۾ آءِ
ٽي جي وفاقي وزير انوشا رحمان اليڪٽرانڪ ڏوهن جي روڪٿام وارو بل پيش ڪيو
جنهن کي مشاورت بعد اپوزيشن جي وڌيڪ ڇهن ترميمن کي به شامل ڪيو ويو. جنهن بعد ان
بل کي اتفاق راءِ سان قبول ڪيو ويو، هن بل اهو ڄاڻايو ويو آهي ته 14 سالن کان گهٽ عمر وارن ٻارن، پرنٽ ۽ اليڪٽرانڪ ميڊيا
تي نه هوندو، بل تحت سائبر ڪرائيم ۾ ملوث
جوابدار کي 14 سال قيد ۽ 50 لک روپيا ڏنڊ وڌو ويندو. چائلڊ پورنو گرافي تي 7 سال قيد
۽ 50 لک رپيا ڏنڊ وڌو ويندو، جڏهن ته چائلڊ پونو گرافي ۾ ملوث جوابدار جي ضمانت به
نه ٿيندي. انٽرنيٽ تي دهشتگردي يا
انتهاپسندي جي مهم هلائيندڙ يا ڀرتيون ڪندڙ يا وري اهڙي ڪوشش ڪندڙ به ست سال سزا
ڏني ويندي. هن بل اهو به ڄاڻايو ويو آهي
ته ڪنهن خلاف نسلي يا فرقيواڻي بنياد تي مواد رکڻ تي به سال سال قيد جي سزا ڏني
ويندي. جعلي ويب سائيٽ ٺاهي دوکو ڏيندڙ کي به ٽي سال قيد جي سزا ڏني ويندي. غيرقانوني
سمز ۽ چوري جون موبائل استعمال يا موبائل ٽيمپرنگ ڪندڙ جوابدار کي به 3 سال قيد جي
سزا ڏني ويندي، جڏهن ته 10لک روپيا ڏنڊ به وڌو ويندو. ڪو به ڊيٽا عدالت جي اجازت
کانسواءِ نه وٺي سگهبو ۽ نه ئي شيئر ڪري
سگهبو. سائبر ڪرائيم بل تحت ڪنهن جي مرضي کانسوءِ اي ميل يا ميسج ڪرڻ، تصوير يا
ويڊيو ٺاهي پوسٽ ڪرڻ تي به 3 سال سزا ۽ 10 لک روپيا ڏنڊ وڌو ويندو.سائبر ڪرائيم۾
ملوث سمورن جوابدارن جي گرفتارين يا ڪارروائي کان اڳ عدالت کان اجازت وٺڻ ضروري
هوندي، بل عدالتي ۽ پارلياماني نگراني جو نظام واضع ڪيو ويندو ،اهو سڀ ڪجهه ٻڌي لڳي رهيو
آهي ته آءِ ٽي واري وفاقي وزير شايد قانون کي پڙهي اهڙو بل پيش ڪيو يا وري
وٽس سائبر ڪرائيم جون گهڻيون شڪايتون مليون هيون جنهن جي ڪري هن سوشل ميڊيا کي
ايترو ٽارگيٽ ڪيو آهي. هاڻ جڏهن اهو بل پيش ٿي ويو آهي ۽ ان کي منظور به ڪيو ويو آهي ته سوشل ميڊيا تي غريب عوام جو
آواز اٿاريندڙ ماڻهن کي به ڳڻتي ورايو آهي، ڇاڪاڻ ته هاڻ انهن کان اهو به حق کسيو
ويو آهي جنهن سبب هاڻ اهي ماڻهو جيڪي ڪنهن
سياستدان خلاف وڊيو يا ڪا تصوير ٺاهي رکندا هئا ، هاڻ اهي اهو قدم نه کڻي سهگندا.
ڍ جيڪڏهن ڏٺو وڃي ته هن وقت تائين
سائبر ڪرائيم جون ڪيتريون ئي وارداتون رجسٽرڊ ٿي چڪيون آهن ۽ ان جي روڪٿام ڪرڻ به لازمي هو پر فيس بڪ ۽ ٽوئيٽر تي تصوير شير ڪرڻ يا
ويڊيو شير ڪرڻ تي ماڻهن کي سزائون ڏيڻ بهتر عمل نه آهي، ڪجهه ڏينهن هڪ اهم شخصيت
جي خلاف پوسٽ شيئر ٿي هئي جنهن تي هزارين ماڻهن
ڪمنٽس به ڪيا هئا جنهن کان پوءِ ان تي اهو بحث به ڪيو ويو هو ته اهو جيڪو
به قدم کنيو ويو آهي، جنهن بعد هن بل کي آندو ويو ۽ تڙ تڪڙ ۾ پاس به ڪرايو ويو. جنهن کان پوءِ اها ڳالهه ته واضع ٿي چڪي آهي ته هي حڪمران
پاڻ کي احتساب کان بچائڻ لاءِ پاس ڪرايو آهي ڇاڪاڻ ته ميڊيا جي آواز کي ڪافي
حد تائين دٻايو ويو آهي جنهن بعد عوام پنهنجو هٿيار سوشل
ميڊيا کي بڻايو آهي. رهي ڳالهه فيس بڪ تي
ڪرپٽ حڪمرانن خلاف مزاحيا تصويرو ٺاهڻ جي ته ان تي حڪمرانن کي ڪاوڙ نه ڪرڻ
گهرجي،ڇاڪاڻ ته ايترو ته حق ضرور هجڻ گهرجي، جيڪڏهن ڪو عملدار غلط قدم کڻي تي ان
جو فيس بڪ تي پٽڪو ڌوڙ ڪرڻ ضروري آهي جيڪو ميڊيا تي نٿو ڪري سگهجي، ترڪي ۾ جڏهن
بغاوت جي ڪوشش ٿي هئي ته ان وقت به
اليڪٽرانڪ ميڊيا تي پابندي لڳائي وئي هئي ۽ ترڪ صدر طيب اردگان سوشل ميڊيا
ذريعي پنهنجي عوام سان رابطو ڪري اها اپيل ڪئي هئي ته عوام روڊن تي نڪري ۽ عوام
لکن جي تعداد ۾ روڊن تي اچي هڪ تاريخ لکي هئي ۽ اهو سڀ ان سوشل ميڊيا جي ڪري ئي
ٿيو هو، جنهن سبب اسان جي حڪمرانن کي
سائبر ڪرائيم بل بابت ٿورو سوچڻ گهرجي ۽ ان ۾ اهي شقون آڻيون وڃن جنهن سان
غريب ماڻهن کي انصاف آساني سان ملي سگهي ۽ اهي پنهنجو آواز دنيا تائين پهچائي سگهن
۽ پيپلزپارٽي چيئرمين جيڪو اعلان ڪيو آهي ان تي قائم رهي هن بل ۾ اڃان وڌيڪ
ترميمون ڪيون وڃن ته جئين اظهار جي آزادي تي پابندي نه لڳي سگهي.
Friday 29 July 2016
پنجاب پوليس جا ڪلور
صاحب خان ڀٽي
گذريل ڪيتري عرصي کان سنڌ ۾ امن امان جي صورتحال قانون
لاڳو ڪندڙ اداران لاءِ هڪ چيلينج بڻيل آهي،
جنهن سبب شڪارپور، گهوٽڪي ۽ ٻين شهرن ۾
ڦرن، چورين ۽ اغوا جي وارداتن ۾ تمام گهڻو
اضافو ٿيو آهي پر ان باوجود سنڌ پوليس اها
دعويٰ ڪري رهي آهي ته انهن امن کي بحال ڪرائڻ ۾ ڪافي حد تائين ڪاميابي حاصل ڪري ورتي آهي. هڪ طرف سنڌ پولس جون ڪارروايون جاري
آهن ته ٻي طرف وري پنجاب پوليس به ڏوهارين خلاف سرگرم ٿي وئي آهي ۽ پنجاب پوليس جا اهلڪار بنا ڪنهن جي
اجازت جي سنڌ جي ڳوٺن تي حملو ڪري بي گناهه ماڻهن کي گرفتار ڪرڻ بعد ماري رهيا آهن پر ان باوجود سنڌ حڪومت توڙي
وفاقي حڪومت طرفان ڪو به بيان سامهون اچي نه سگهيو آهي، انساني حقن جون تنظيمون به
هن وقت تائين خاموش تماشائي بڻيل آهي پر سول سوسائيٽي طرفان ڪجهه شهرن ۾ پنجاب
پوليس جي زيادتين خلاف احتجاج ٿي رهيا آهن پر ان باوجود سنڌ جي ڪامورن جي ڪن تي جونءَ به نه چري رهي آهي. ڪجهه ڏينهن
اڳ ڪشمور ۾ هڪ ڳوٺ تي پنجاب جي صادق آباد جي پوليس 16 موبائيلن ۾ سوار ٿي نوالبشر
پٺاڻ جي گهر تي چڙهائي ڪئي اتي موجود 7 ڄڻن الاهي مزاري، محمد سليم مزاري، خان
محمد انڍڙ، جان محمد انڍڙ، خان محمد انڍڙ ۽ مير محمد سميت 7 ڄڻن کي سري عام گوليون
هڻي ماري ڇڏيو ۽ پنجاب پوليس ويندي ويندي انهن جا لاش به پاڻ سان گڏ پنجاب کڻائي وئي
هئي، اهڙيون خبرون ڪيترن ئي اخبارن ۽ ٽي وي چينلن تي نشر به نشر ٿيون هيون. ٻڌايو
پيو وڃي ته رحيم يار خان جي ايس ايس پي زيشان اصغر جي اڳواڻي ۾ پنجاب پوليس جي ٽن
ٿاڻن ڀنگ، ڪوٽ سبزل ۽ احمد پور لما ٿاڻن جي پوليس جي وڏي اٽالن ڪشمور پوليس کي
اطلاع ڏيڻ بنا ڪاروائي ڪئي هئي، پنجاب پوليس جي اهڙي ڪارروائي ۾ گڊو جو رهواسي
الاهي مزاري پڻ مارجي ويو هو، جڏهن ته الاهي مزاري جي والد شملي مزاري ميڊيا آڏو اهو بيان ڏنو هو ته پنجاب پوليس بنا جواز ڪاروائي
ڪري سندس پٽ کي ماريو آهي ۽ سندس پٽ خلاف
سنڌ ۽ پنجاب سميت ڪنهن به ٻئي صوبي ۾ ڪو ڪيس داخل نه آهي.
اهڙي واقعي بعد سڄي سنڌ ۾ هڪ خوف واري لهر به
ڇائنجي وئي هئي پر افسوس جو سنڌ حڪومت توڙي سنڌ پوليس اهڙي ڪارروائي تي ڳالهائڻ
بدران ڪن لاٽار ڪئي، جنهن مان لڳي رهيو هو ته هاڻ
پنجاب پوليس کي به سنڌي نوجوانن کي مارڻ جو لائسنس ڏنو ويو آهي. جهڙي ريت پنجاب پوليس سنڌ ۾ داخل ٿي
ڪارروائي ڪئي شايد سنڌ پوليس اهڙي ڪارروائي ڪرڻ جي ڪڏهن جرئت به نه ڪئي هوندي، پر
ڪشمور ۾ ٿيل پنجاب پوليس جي ڪلور بعد هڪ ڳالهه ته واضع آهي پنجاب پوليس تمام گهڻو
بهادري وارو ڪارنامو ڪيو آهي جنهن ستن ڄڻن کي ماري اهو ثابت ڪيو ته هنن مقابلي ۾
ڏوهارين کي ماريو آهي. جڏهن پنجاب پوليس سنڌ ۾ داخل ٿي ڪارروائي ڪئي هئي ته ان وقت
اهي خبرون نشر ٿي رهيون هيون ته ڏوهارين کي ماريو ويو پر بعد جڏهن مارجي ويلن جي
وارثن احتجاج ڪيو ته اهو محسوس ٿيو ته هاڻ
سنڌين جو والي وارث نه رهيو آهي جنهن سبب پنجاب پوليس مصعوم ماڻهن کي ماري بهادري
جو راڳ ڳائي رهي آهي. رحيم يار خان جي ايس
پي زيشان اصغر پنجاب ۾ پريس ڪانفرنس ۾ چيو هو ته ماريل ڏوهارين جو تعلق پنجاب جي
بدنام ڏوهاري گينگ انڍڙ گينگ سان هو، جن 3 ڏينهن اڳ پنجاب مان هڪ ماڻهون کي اغوا
ڪيو جنهن جي اطلاع تي پنجاب پوليس ڪاروائي ڪئي ۽ انڍڙ گينگ جي سربراھ خان محمد
انڍڙ کي ساٿين سميت گرفتار ڪرڻ جي ڪوشش ڪئي ته مقابلو ٿيو، ذيشان اصغر اهو چيو هو ته جوابي
فائرنگ ۾ 7 ڏوهارين کي هنن ماريو آهي، ٻڌڻ ۾ آيو
آهي ته جڏهن پنجاب پوليس جا اهلڪار ڪارروائي ڪري هليا ويا ته ڪشمور پوليس
اهڙي ڪارروائي کان تعلقي جو اظهار ڪيو ۽ صحافين کي ڪوريج کان روڪي ڇڏيو پر ان
باوجود صحافين بهادري جو مظاهرو ڪندي پنجاب پوليس جي اهڙي پوليس گردي کي سامهون آندو، ڪجهه صحافين اهو به چيو ته پوليس سان
سندن ڪوريج جي معاملي تان منهن ماري به ٿي. ڪشمور
۾ مارجي ويل ڏوهاري هئا يا نه اها ته سنڌ پوليس جي رڪارڊ مان ئي خبر پئجي
سگهجي ٿي، ڪشمور واقعي بابت اهي خبرون هلي
رهيون آهن ته پنجاب پوليس جڏهن گهرن تي چڙهائي ڪئي ته ستن ڄڻن کي مارڻ بعد پناجب
پوليس چار عورتن کي کنڀي وئي، جڏهن ته
ڪشمور پوليس طرفان اهو بيان ڏنو ويو ته پنجاب پوليس طرفان کين ڪو به اطلاع نه ڏنو ويو هو ۽ ڪارروائي بابت کين
ڪابه ڄاڻ نه هئي. هن پنجاب پوليس جا ٻيا
به ڪيترائي بهادري وارا ڪارناما آهن،
هڪڙو وڏو ڪارنامو پنجاب پوليس جو اهو به آهي ته
جڏهن راجنپور جي ڪچي واري علائقي ڇوٽو گينگ پنجاب پوليس اهلڪارن کي يرغمال بڻايو
ته ان وقت پنجاب صوبي جي سڄي پوليس ناڪام ٿي وئي هئي ۽ پوليس کي فوج کان مدد وٺڻ
جي ضرروت پئي، ڇوٽو گينگ جو ننڍڙو ٽولو پنجاب پوليس کي ائين نچائي رهيو هو جئين مداري
ڀولڙي کي دگ دگي ذريعي نچائيندو آهي ۽ ان
ڪارروائي دوران ڇوٽو گينگ جي ڏوهارين ستن پوليس کي به ماريو هو ۽ 18 کي يرغمال
بڻايو هو. جنهن تي وفاقي گهرو وزير چوڌري نثار کي تمام گهڻو افسوس ٿيو هو.جڏهن
پنجاب پوليس ڇوٽو گينگ آڏو گوڏا کوڙيا هئا
گڏهن اهو محسوس ٿي رهيو هو ته واقعي پنجاب پوليس ناڪام ٿي چڪي آهي ۽
ڏوهارين کي گرفتار ڪرڻ ۽ انهن خلاف ڪارروائي ڪرڻ پنجاب پوليس جي وس ۾ ناهي رهيو،
جنهن سبب اڄ به پنجاب ۾ دهشتگرڊن جا ٺڪاڻا موجود آهن ۽ ڪجهه عرصو اڳ جڏهن وفاقي
گهرو وزير اعلان ڪيو هو ته پنجاب ۾ ڏوهارين خلاف آپريشن ڪيو ويندو ته اچانڪ پنجاب
جون حالتون خراب ٿي ويون هيون، جنهن بعد
خبر ئي نه پئي ته اهو آپريشن شروع به ٿيو آهي يا اهو آپريشن ختم ٿي ويو آهي، جيڪڏهن
واقعي آپريشن پنجاب ٿي رهيو آهي ته اهو
بهتر عمل آهي پر جيڪڏهن اهو آپريشن بند آهي ته ٻين صوبن ڪڏهن به امن قائم نه
ٿيندو، ڇو ته دهشتگرد انهي صوبي رهندا آهن جتي کين تحفظ محسوس ٿيندو ۽ انهن کي اها
پڪ هوندي آهي ته انهن خلاف ڪارروائي نه ٿيندي. سنڌ پوليس به اها دعويٰ ڪري چڪي آهي
ته ڏوهاري ٻين صوبن کان اچي سنڌ ۾ ڪارروايون ڪري فرار ٿي وڃن ٿا جنهن سبب امن امان
جي صورتحال مڪمل طور بحال نه ٿي سگهي آهي. بهر حال ذڪر هلي رهيو هو ڇوٽو گينگ جو
ته واقعي ڇوٽو گينگ اهو ڪارنامو ڪري ڏيکاريو جيڪو اڄ تائين ڪو به ڏوهاري نه سگهيو
هيو، جهڙي ريت پنجاب پوليس جي اهلڪارن کي يرغمال بڻائي ماريو ويو.
، اهڙرو مثال ڪٿان به
نه ٿو ملي. جڏهن پنجاب پوليس مڪمل طور ناڪام ٿي، تڏهن پاڪ فوج کي طلب ڪيو ويو هو
جنهن تي ڪيترن ماڻهن اهي بيان به ڏنا هئا ته پنجاب پوليس ناڪام ٿي چڪي آهي جنهن
سبب فوج کان مدد طلب ڪئي وئي آهي، جيڪڏهن ڏٺو وڃي ته پنجاب پوليس معمولي ڏوهارين
کي گرفتار ڪرڻ لاءِ فوج کي طلب ڪري سگهي ٿي پوءِ پنجاب ۾ پابندي مڙهيل تنظيمن جي
دهشتگردن خلاف ڪئين ڪارروائي ٿي رهي آهي ۽ پنجاب پوليس مان هاڻ اها اميد به نٿي
رکي سگهجي ته پنجاب پوليس ڪنهن به خطرناڪ دهشتگرد خلاف ڪارروائي ڪري سگهي ٿي،
ڇاڪاڻ ته پنجاب پوليس جو حڪم صرف به غريب
معصوم شهرين تي هلندو آهي ۽ پنجاب پوليس به جيڪڏهن ڪارروائي ڪندي آهي ته اها صرف
بي گناهه شرين خلاف ڪندي آهي. باقي جيڪا پنجاب پوليس ڇوٽو گينگ کي گرفتار نه ڪري
سگهي ته اها پنجاب پوليس 7 ڏوهارين کي
مقابلي ۾ ڪئين ماري سگهي ٿي، ڇاڪاڻ ته اها پنجاب پوليس آهي جيڪا ڇوٽو گينگ کي
گرفتار ڪرڻ وئي هئي ته 17 پوليس اهلڪارن
جا لاش کڻي آئي هئي پر ان پوليس کي سنڌ جي ڏوهارين کي گرفتار ڪرڻ جي همت ڪئين پيدا ٿي؟ جنهن جو جواب شايد پنجاب پوليس ئي ڏئي
سگهي يا وري اسان جا ڪامورائي انهن کان سوال پڇي سگهن ٿا. بهر حال پنجاب پوليس جي
بهادري ته ڇوٽو گينگ واري فلم مان لڳائي سگهجي ٿو جنهن جون خبرون ماڻهن تمام گهڻيو
غور سان پڙهيون ۽ ٻڌيون هيون، جڏهن راجنپور ۾ پنجاب پوليس ناڪام ٿي فوج اچي هوائي
۽ زميني ڪارروائي ڪئي، آپريشن دوران هوائي نگراني لاءِ هيليڪاپٽڙ به استعمال ڪيو
هو ۽ اها وارننگ ڏني وئي هئي ته هٿيار ڦٽا ڪيا وڃن. جنهن بعد آپريشن دوران ڇوٽو
گينگ جي سربراهه غلام رسول عرف ڇوٽو بکراڻي 74 ساٿين سميت هٿيار ڦٽا ڪري گرفتاري پيش ڪئي
هئي، بهر حال اهو اشو ته هاڻ ختم ٿي چڪي آهي پر اهو اوقعو اڃا تائين ڪنهن کان به
وسرونه آهي. ڪشمور ۾ پنجاب پوليس اهلڪارن هٿان مارجي ويلن جي خون سان ته هن وقت تائين ڪو به انصاف نه ٿي سگهيو آهي، هي ڪا پهرين ڪارروائي نه هئي پنجاب ۾ گذريل
ڪيتري ئي عرصي کان پنجاب پوليس بنا ڪنهن جي اجازت کانسواءِ سنڌ ۾ داخل ٿي ڪارروائي
ڪندي رهي آهي، جنهن تي سنڌ حڪومت خاموش
رهي آهي. جنهن سبب پنجاب پوليس کي اڃا به وڌيڪ همت اچي وئي آهي جيڪا بنا عورت
پوليس اهلڪارن جي هوندي عورتن کي کنڀي کڻي وئي، جنهن بابت هن وقت تائين ڪنهن به سماجي اداري احتجاج رڪارڊ ناهي ڪرايو. ماضي ۾ به پنجاب پوليس ڏوهارين جو جواز ڄاڻائي سنڌ ۾ داخل ٿي بنا ڪنهن کي اطلاع تي ڄڻ
جي گرفتاريون عمل ۾ آنديون آهن پر هاڻ جڏهن ڪشمور ۾ ستن ڄڻن کي مارڻ واقعو پيش آيو آهي ته ان وقت هتان جون
اختياريون تماشائي بڻيل آهن.
Thursday 28 July 2016
Wednesday 27 July 2016
هيلري ۽ ٽرمپ جي نامزدگي، صدر ڪير ٿيندو؟
صاحب خان ڀٽي
آمريڪا ۾ صدارتي چونڊن ۾ ڪاميابي لاءِ ري پبلڪن پارٽي ۽ ڊيموڪريٽڪ پارٽي جا
اميدوار آمهون سامهون ٿي ويا آهن، 8 نومبر 2016ع ۾ ٻنهي پارٽين جي اميدوارن ۾ چوٽي
جي مقابلي جو امڪان ظاهر ڪيو پيو وڃي ڇاڪاڻ ته ٻنهي اميدوارن جي آمريڪا جي مختلف
رياستن ۾ اڪثريت آهي، ڊونلڊ ٽرمپ کي به ري
پبلڪن پارٽي طرفان صدارتي اميدوار نامزد ڪيو ويو آهي، جڏهن ته ڊيموڪريٽڪ پارٽي جي
4 ڏينهن واري ڪنوينشن جي ٻئين ڏهاڙي جي موقعي تي هيلري ڪلنٽن جي صدارتي اميدوار جي
نامزدگي جو اعلان ڪيو ويو آهي، جڏهن
ڪنوينشن ۾ هيلري ڪلنٽن جي صدارتي اميدوار جي نامزدگي جو اعلان ڪيو ويو ته ان وقت ڊيموڪريٽ
پارٽي جا ڪجهه ڪارڪن هيلري خلاف نعريبازي ڪري رهيا هئا، جن جي هٿن ۾ برني سينڊروز
جي حمايت ۾ بينر هئا، جيڪي اهو مطالبو ڪري
رهيا هئا ته هيلري ڪلنٽن کي نه پر برني
سينڊروز کي ڪيو وڃي، جيڪي ماڻهو هيلري جي مخالف ڪري رهيا هئا، ٻڌايو پيو وڃي ته
انهن جي ايتري اڪثريت نه هئي ۽ ان سان هيلري ڪلنٽن جي صدارتي اميدوار طور نامزدگي
تي ڪو به اثر نه پوندو، آمريڪا ۾ چارسالن واري 58 هين صدارتي چونڊ 8 نومبر اڱاري
تي ٿي رهي آهي.جڏهن ته ڊيمڪوريٽ جي پاليسي موجب آمريڪي صدر بارڪ اوباما ٽيون ڀيرو
صدر ٿي نه سگهندو جنهن سبب کيس صدارتي چونڊن ۾ حصو وٺڻ جي اجازت نه هوندي.صدر بارڪ
اوباما ۽ نائب صدر جوبائيٽن پنهنجي مدت تائين خدمتون سرانجام ڏيندا رهندا.
آمريڪي عوام 2016ع جي صدارتي چونڊن ۾ 45هين صدر
۽ 48هين نائب صدر جي چونڊ ڪندا. آمريڪا جو
42 هون صدر بل ڪلنٽن هو، جنهن 1991ع جي
چونڊن ۾ آمريڪي صدر جارج بش جي والد هربڙٽ بش کي شڪست ڏني هئي. 1991ع ڌاري ۾ هر بڙٽ بش آمريڪا جو صدر هو،
بل ڪلنٽن 19 آگسٽ 1946ع ۾ پيدا ٿيو هو، جنهن
20 جنوري 1992ع ۾ صدارت جو حلف کنيو هو. صدارت جو حلف کڻڻ بعد بل ڪلنٽن اسرائيل
۽ فلسطين ۾ امن قائم ڪرائڻ لاءِ به ڪوشش ڪيون ۽ پنهنجو ڀرپور ڪردار ادا ڪيو هو ۽
سندس صدارتي دور ۾ امن قائم ڪرائڻ تي ياسر عرفان کي نوبل انعام مليو هو. نوبل
انعام ملڻ بعد هڪ ڀيرو ٻيهر ٻنهي ملڪن ۾ ڇڪتاڻ وڌي وئي هئي. فتح پارٽي جا ٽڪڙا ٿي
ويا هئا. هڪ آمريڪي اخبار لکي ٿي ته ان دور ۾ بل ڪلنٽن بوسنيا جي مدد به ڪئي هئي.جڏهن سربيا بوسينا تي حملو ڪيو ۽ قبضي جي ڪوشش ڪئي
هئي. پرڏيهي اخبار ۾ اهو به لکل هو ته سربيا جي آرمي مسلمانن کي ختم ڪري رهي هئي ۽
بل ڪلنٽن بوسينا کي سربيا کي بچايو هو. بل ڪلنٽن ان دور ۾ پهريون ڀيرو وائيٽ هائوس
۾ عيد ملهائي هئي ۽ کين قرآن پاڪ به تحفي ۾ مليو هو. بل ڪلنٽن سڄي دنيا دنيا ۾ امن
امان جي صورتحال بحال ڪرائڻ لاءِ به پهنجو وڏو ڪردار ادا ڪيو هو.
20 جنوري 2001ع ۾ جڏهن آمريڪي
صدارت لاءِ چونڊون ٿيون هيون ته تڏهن صدر بش
بل ڪلنٽن کي شڪست ڏني هئي ۽ بش کي صدر بڻايو ويو هو. 2008ع ۾ ڊيموڪريٽڪ
پارٽي ۾ صدارتي اميدوار جي نامزدگي لاءِ هيلري ڪلنٽن آمريڪي صدر بارڪ اوباما وچ ۾
چوٽي جو مقابلو ٿيو هو پر ان هيلري ڪلنٽن کي شڪست
نصيب ٿي هئي ۽ هيلري صدارتي نامزدگي کان محروم ٿي وئي هئي پر هن
ڀيري کيس صدارتي اميدوار طور نامزدگي ملي چڪي آهي. هيلري ڪلنٽن 26
آڪٽوبر 1947ع م پيدا ٿي هئي، جنهن اڳوڻي آمريڪي صدر بل ڪلنٽن سان شادي ڪئي
هئي ۽ 1993ع کان 2001ع کان تائين آمريڪا جي پهرين عورت سياستدان طور به رهي. هيلري
ڪلنٽن 2008ع ۾ آمريڪي صدر جي عهدي لاءِ
ڊيموڪريٽ پارٽي جي اهم اڳواڻن سان مقابلو به ڪري چڪي آهي. هيلري ڪلنٽن جو
آمريڪي صدر بارڪ اوباما توڙي برني سنڊروز سان به سخت مقابلو ٿي چڪو آهي، هي پهريون
ڀيرو آهي هيلري ڪلنٽن لاءِ جنهن ۾ کيس
صدارتي اميدوار طور نامزد ڪيو ويو آهي. 5 جون 2008ع ۾ اهو طئي ڪيو ويو هو ته
آمريڪي صدر بارڪ اوباما جي مخالف ۾ بيٺل اميدوار
هيلري ڪلنٽن صدارتي اميوار جي نامزدگي تان هٿ کڻي ويندي ۽ بارڪ اوباما جي حمايت ڪندي. 1973ع ۾ وڪالت جي
ڊگري ملڻ بعد هيلري ڪلنٽن وڪالت به شروع ڪئي ۽ آمريڪا جي صوبي ارڪاساس ۾ هن وڪالت
شروع ڪئي. 1988ع ۽ 1991ع ۾ کيس آمريڪا جي بهرين وڪيلن ۾ شمار ڪيو ويو.
هيلري ڪلنٽن 3 جنوري 2001ع ۾ آمريڪي سينيٽر جو عهدو سنڀاليو. 1975ع ۾ جڏهن بل
ڪلنٽن سان سندس شادي ٿي تڏهن ٻئي ڄڻا ارڪاساس يونيورسٽي ۾ پڙهڻ ۽ پڙهائڻ ۾ رڌل رهيا. انهن ڏينهن ۾ به هو هڪ
ٻئي جا ويجها دوست رهيا. هيلري ڪلنٽن کي هڪ ڌي جو اولاد ٿيو ، جنهن جو انهن نالو
چيلسا ڪلنٽن رکيو، چيلسا ڪلنٽن جي پيدائش 27 فيبروري 1980ع ۾ ٿي هئي. جيتوڻيڪ سندس
ڌي چيلسا ڪلنٽن هن وقت سياست کان پري آهي پر هيلري ڪلنٽن هن وقت به سياست ۾
انتهائي سرگرم آهي. ڊونلڊ ٽرمپ به آمريڪا ۾ 14 جون 1946ع ۾ پيد ا ٿيو هو. جيڪو هن
وقت آمريڪي جي مشهور ڪاروباري شخصيت آهي ۽
کيس صدارتي اميدوار جي نامزدگي امير ۽ واپاري هئڻ سبب ملي آهي. هيلري ڪلنٽن جي
آمريڪي صدر بارڪ اوباما جي ڀاءُ مالڪ اوباما به حمايت ڪري چڪو آهي، جنهن پنهنجي
جاري ڪيل هڪ بيان ۾ چيو آهي ته هو ووٽ
ڏيندو ته صرف ڊونلٽ ٽرمپ کي نه ته ڪنهن کي به ووٽ نه ڏيندو، ڇاڪاڻ ته کيس ڊونلٽ ٽرمپ جي شخصيت تمام گهڻو متاثر
ڪيو آهي. ڊونلڊ ٽرمپ نيويارڪ ۾ شهر ۾ جنم
ورتو هو ۽ هن شروعاتي تعليم به نيويارڪ مان ئي حاصل ڪئي هئي. ڊونلڊ ٽرمپ
گريجوئيشن وارٽن اسڪول مان ڪئي جڏهن بيچلر
جي ڊگري يونيورسٽي آف پينسلوينيا مان حاصل ڪئي. ڊونلڊ ٽرمپ جو والد فريڊ
ٽرمپس ڪنسٽرڪشن جو ڪم ڪندو هو، جنهن سبب ڊونلڊ ٽرمپ کي ريئل اسٽيٽ اينڊ
ڪنسٽرڪشن جو ڪم ڪرڻو پيو، ان سان گڏوگڏ ڊونلڊ ٽرمپ سياست جو به وڏو شوق هو، جنهن
سبب هن ري پبلڪن پارٽي ۾ شموليت ڪئي. ڊونلڊ
ٽرمپ ڪيترن ئي چينلن تي پڻ ڪم ڪيو آهي.
جون 2015 ع ۾ ٽرمپ کي ري پبلڪن پارٽي جو صدر چونڊيو ويو هو. 2016ع ۾ ٽرمپ کي باضابطه طور صدارتي اميدوار
بڻايو ويو آهي. ٽرمپ جي نامزدگي جو اعلان آمريڪي رياست اوهائيو جي شهر ڪليو لينڊ ۾
ريپبلڪن پارٽي جي ڪنوينشن ۾ ڪيو ويو هو. ري پبلڪن
پارٽي جي 1725 ڊيليگيٽس جي ڊونلڊ ٽرمپ کي حمايت حاصل آهي. جڏهن ته ڊونلڊ
ٽرمپ جو مخالف اميدوار سندس وڏو مخالف ٽيڊ ڪروز هو.
هاڻ جڏهن ٻنهي پارٽين جا اميدوار نامزد ٿي چڪا آهن تڏهن هڪ ڀيرو ٻيهر آمريڪا ۾ صدارتي اميدوار جي ڊوڙ ۾ ٻنهي ڄڻن وچ ۾ چوٽي جو مقابلو ٿيڻ جو امڪان ٿي ويو آهي. آمريڪا ۾ هاڻوڪي
ٿيل سروي چيو ويو آهي ته هيلري
ڪلنٽن جي شهرت گهٽتجي آهي ۽ ڊونلڊ ٽرمپ جي اسلام مخالف بيانن سندس شهرت ۾ اضافو
ٿيو آهي پر اهاڻ جڏهن ڊونلڊ ٽرمپ نامزدگي حاصل ڪري ورتي آهي. تنهن وقت به سندس ڪيترائي مخالف آمريڪا
۾ احتجاج ڪندي نظر اچي رهيا آهن. اسلامي ملڪ به هيلري ڪلنٽن جي حمايت ڪري
رهيا آهن ته آمريڪي هيلري ڪلنٽن کي ٿيڻ
گهرجي ۽ ان سان گڏ ڀارت ۽ ٻيا ملڪ به چئي رهيا آهن هيلري ڪلنٽن جي صدر ٿيڻ سان
دنيا ۾ امن امان جي صورتحال بحال ٿيندي ڇاڪاڻ ته ڊونلڊ ٽرمپ هميشه اسلام مخالف
بيان ڏنا آهن جنهن سان لکين مسلمانن کي دلي
صدمو پهتو آهي. جيوتڻيڪ ڊونلڊ ٽرمپ پنهنجي رويي وڏي تبديلي آندي آهي پر ان باوجود
سندس ڏنل بيان اڄ به ماڻهن جي ڪنن ۾
جمهومي رهيا آهن. بهر حال هاڻ صدارتي اميدوار جي نامزدگي وارو مرحلو ختم ٿي چڪو پر ان باوجود هن سڄي صور تحال باوجود ملڪ اندر فائرنگ جي واقعن
۾ واڌ اچي چڪي آهي. جنهن سبب ان سموري مسئلي کي
چونڊن سان ڪڍيو پيو وڃي اهئين لڳي رهيو آهي ته ملڪ اندر هٿيارن جي روڪٿام وارو بل منظور نه ٿيڻ سبب آمريڪا ۾ فائرنگ جا واقعا معمول جو
موجب بڻيل آهن، آمريڪي سروي موجب هيلري ڪلنٽن جا کٽڻ جا وڏا سبب موجود آهي.
ڇاڪاڻ ڪاري نسل وارن علائقن ۾ کيس حمايت حاصل آهي ۽ دنيا
جي ٻين ڪيترن ئي ملڪن سان به بهتر
لاڳاپا آهن، جيڪي به ڊونلڊ ٽرمپ بدران هيلري ڪلنٽن جي حمايت ڪري رهيا آهن..
Tuesday 26 July 2016
Subscribe to:
Posts (Atom)