گورنر راڄ جا چوٻول ۽ پيدا ٿيندڙ خطرناڪ صورتحال

صاحب خان ڀٽي

2018ع جي چونڊن ۾ تحريڪ انصاف  ملڪ ۾ پنهنجي حڪومت قائم ٿيڻ ۾ ڪامياب ٿي  اقتدار سنڀاليو پر اپوزيشن پاران  پي ٽي آءِ تي سليڪٽيڊ حڪومت جو الزام لڳايو ويو، پيپلزپارٽي ۽ نواز ليگ سميت ڪجهه  جماعتن تحريڪ انصاف تي اهو الزام به لڳايو  ته تحريڪ انصاف عوامي مينڊيٽ چوري ڪري اقتدار ۾ آئي آهي پر   ان باوجود اپوزيشن  پاران  تحريڪ انصاف خلاف بيان بازي کانسواءِ ڪو ٻيو رد عمل سامهون نه آيو، جيڪڏهن تحريڪ انصاف واقعي سليڪٽيڊ حڪومت هئي ته پيپلزپارٽي ۽ نواز ليگ سميت  اپوزيشن وٽ ايتريون سيٽون موجود هيون جو اهي پنهنجي حڪومت ٺاهي سگهن پيون پر   ان وقت  پيپلزپارٽي ۽ نواز ليگ حڪومت ٺاهڻ لاءِ ڪا سنجيدگي  ظاهر نه ڪئي هئي ۽ پيپلزپارٽي پاران نواز ليگ کان   فاصلو رکيو هو پر ان سڄي عمل دوران نواز ليگ ثابت قدم رهي ۽ نوازشريف سميت نوازليگ جي سمورن اڳواڻن نيب ڪيسز سميت عدالتن کي منهن ڏنو ۽ پنهنجي مقصد تان پوئتي نه هٺيا پر اڄ جڏهن پيپلزپارٽي جي ڪو چيئرمين آصف علي زرداري، چيئرمين بلاول ڀٽو زرداري ۽ پيپلزپارٽي جي  قيادت خلاف  قانوني ڪارروايون شروع ٿيون آهن، تنهن ڏينهن کان پيپلزپارٽي لاءِ به ساڳيون ئي حالتون پيدا ٿي ويون آهن، جيڪي نوازشريف جي لاءِ ٿيون هيون  بس هاڻ فرق ايترو آهي  جو نوازشريف جو تعلق  پنجاب سان آهي ۽ آصف علي زرداري جو تعلق سنڌ سان آهي.

جيئن ته نوازشريف خلاف  ڪاررواين جو هاڻ چيپٽر بند ٿي چڪو آهي ۽ کيس سزا به ملي وئي آهي ته  هاڻ انهن ڪاررواين جو رخ پيپلزپارٽي جي قيادت  ڏانهن ڪيو ويو آهي، جنهن سبب پيپلزپارٽي جي قيادت  ۾ ٿرٿلو مچي ويو آهي،  نواز ليگ اڳواڻ احسن اقبال چيو  آهي ته جن به نواز ليگ کي ڇڏيو انهن جو حال چوڌري نثار جهڙو ٿي ويندو؟ هڪ ڳالهه ته صاف ظاهر آهي ته جڏهن به ڪنهن ڏکئي وقت ڪير ڪنهن کي ڇڏي ويندو آهي ته پوءِ ان کي سک دوران گڏ کڻي هلڻ تمام گهڻو مشڪل ٿي ويندو آهي، اهو ئي نواز ليگ سان  به ٿيو پر ان باوجود نواز ليگ  جا حوصلا ڪمزور ٿيندي نظر نه آيا آهن، ايتري قد رجو نوازشريف پنهنجي ڌيءُ ۽ ڀاءُ سميت جيل ۾ ڪاٽي آهي پر ان باوجود هن عدالتن ۾ پيش ٿي هڪ تاريخ رقم ڪئي آهي، جيئن ته هاڻ رخ سنڌ ڏانهن شروع ٿيو آهي ته آصف علي زرداري، بلاول ڀٽو زرداري ۽ ٻين خلاف ڪاررواين  جون خبرون گردش ڪري رهيون آهن،

پيپلزپارٽي جي سينيئر سياستدان خورشيد شاهه چيو آهي ته بلاول ڀٽو زرداري کي گرفتار ڪرڻ لاءِ دل ۽ گڙدو گهرجي، جيڪڏهن بلاول ڀٽو زرداري  گرفتار ٿيو ته ملڪ ۾ افرا تفري مچي ويندي. بهرحال تحريڪ انصاف سنڌ ۾ تبديلي جو پڪو اشارو ڏئي ڇڏيو آهي، جڏهن تحريڪ انصاف ٽنهي صوبن ۾ ڪامياب ٿي ۽ اتي حڪومت قائم ڪئي ته اسان سوچيو هئوسين ته سنڌ ۾ تبديلي نظر نه آئي آهي، اتي به نظر اچي ها ۽ کوڙ سارن دوستن اهڙي راءِ جو اظهار به ڪيو پر جڏهن تحريڪ انصاف جي ڪارڪردگي ڏٺي ته هر طرف بيروزگاري، بک ۽ بدحالي جا منظر نظر اچي رهيا هئا، تحريڪ انصاف جي حڪومت سبب مهانگائي چوٽ چڙهي وئي، جيڪي ڳالهيون تحريڪ انصاف جي سربراهه عمران خان چونڊن کان اڳ عوام سان ڪيون هيون، سڀ ڪجهه ان جي ابتڙ ٿي رهيو آهي.

عمران خان چيو هو ته جيڪڏهن سندن حڪومت آئي ته بيروزگاري ختم ڪئي ويندي پر افسوس عمران خان جي حڪومت ۾ ڪيترن ئي ماڻهن کي بيروزگار ڪيو ۽ ماڻهن جا اجها ڊاهيا ويا، ان سان گڏ ملڪ ۾ گيس ۽ بجلي جو بحران به وڌي ويو، ايتري قدر جو بجلي ۽ گيس جا اگهه به وڌايا ويا، جنهن سان مهانگائي جو هڪ طوفان اچي ويو، بيروزگاري چوٽ چڙهي وئي، ايتري قدر جو ملڪ مان اوچتو گيس جو بحران وڌي وڃڻ سبب سنڌ ۾سي اين جي اسٽيشن پمپز به بند ٿي ويا، جنهن سبب گيس تي هلندڙ گاڏيون بيهجي ويون، رڪشا  ۽ ڪار هلائي گذر سفر ڪندڙ به پريشان ٿي ويا پر ان باوجود حڪومت تي ڪو به فرق نه پيو.  هونئن ته تحريڪ انصاف ٻيا کوڙ  سارا به واعدا ڪيا هئا، جن مان هڪ وڏو واعدو  هو ته ملڪ جو قرض لاٿو ويندو  ۽ آءِ ايم ايف کان  قرض نه ورتو ويندو  پر  هاڻي تحريڪ انصاف جي حڪومت آءِ  ايم ايف جا شرط به منظور ڪرڻ لاءِ راضپو ظاهر ڪري ڇڏيو آهي، اسان جي ملڪ جي ميڊيا ڪجهه ٻيو ٻڌائي رهي آهي ته پرڏيهي ميڊيا ۾ ڪجهه ٻيو منظر نظر اچي رهيو آهي.

بهرحال تحريڪ انصاف هاڻ سنڌ مشن شروع ڪيو آهي، جنهن سبب وزيراعظم عمران خان سنڌ ۾ تبديلي جو ٽاسڪ به ڏئي ڇڏيو آهي پر حڪومت جي ڪارڪردگي کي ڏسي  سنڌ جو عوام تمام گهڻو پريشان ٿي ويو آهي، ڇاڪاڻ ته جيڪا به هن وقت تبديلي نظر آئي آهي، ان سان غريب ماڻهن کي مهانگائي کي ئي منهن ڏيڻو پيو آهي پر ان باوجود تحريڪ انصاف سنڌ ۾ تبديلي لاءِ پيپلزپارٽي جي مخالفن سان رابطا تيز ڪري ڇڏيا آهن، ايتري قدر جو  تحريڪ انصاف ۽ مهر ڀائرن سنڌ ۾ تبديلي لاءِ ڪوششون وڌيڪ تيز ڪرڻ تي به اتفاق ڪري ڇڏيو آهي، پي ٽي آءِ  اڳواڻ حليم عادل شيخ چيو آهي ته  سنڌ ۾  تبديلي اڻٽر آھي، جي آءِ ٽي رپورٽ اچڻ بعد سنڌ جي وڏي وزير مراد علي شاھ کي استعيفيٰ  ڏيڻ گھرجي. تحريڪ انصاف جي اڳواڻ اهو به چيو ته سردار علي گوھر خان مھر سان وزير اعظم عمران خان جي فون تي ڳالھ ٻولھه ٿي آھي، جڏهن ته صدر عارف علوي جلد خانڳڙھ ايندو جنهن بعد وزيراعظم پڻ خانڳڙھ ايندو.

جيئن ته نوازشريف  کانپوءِ هاڻ آصف علي زرداري خلاف ڪيسز هلائڻ واري عمل ۾ تيزي اچي وئي آهي ۽ جعلي اڪائونٽس ذريعي مني لانڊرنگ واري ڪيسز جون  ٻڌڻيون ٿي رهيون آهن پر  هن ڀيري فرق ايترو آهي جو پيپلزپارٽي پاران اڪيلي سر  صورتحال کي منهن ڏيڻ جو فيصلو ڪيو ويو آهي، ايتري قدر جو سنڌ ۾ سياسي سرگرميون به چوٽ چڙهيل آهن پر ان سڄي صورتحال باوجود سنڌ جو عوام اهو فيصلو ڪرڻ کان لنوائي رهيو آهي ته عمران خان جي تبديلي جي حمايت ڪئي وڃي يا نه؟ ڇاڪاڻ ته عمران خان جي نئين پاڪستان ۾  عوام بيروزگار ٿي رهيو آهي، مهانگائي جو طوفان اچي چڪو آهي ۽ ڊالر جو اگهه به وڌي ويو آهي ۽ رپئي جو مُلهه تمام گهڻو گهٽجي ويو آهي ۽ ملڪ جو خزانو به خالي ٻڌايو پيو  وڃي پر جڏهن نواز ليگ جي حڪومت هئي، ان وقت ملڪ جي خزاني خالي هئڻ جون ڪي به ڳالهيون نه ڪيون وينديون هيون پر جڏهن کان تحريڪ انصاف جي حڪومت آئي آهي، تنهن ڏينهن کان ملڪ جو خزانو خالي هئڻ بابت خبرون ٻڌڻ ۾ اچي رهيون آهن،

بهرحال پيپلزپارٽي ۽ نواز ليگ جي حڪومت ۾جيڪي به ڪم ٿيا، اهي به سڀني جي سامهون آهن پر جيڪو ڪجهه تحريڪ انصاف جي حڪومت ۾ ٿيندي نظر اچي رهيو آهي، اهو  به سڀني جي سامهون آهي، جيڪڏهن  سنڌ ۾ واقعي تحريڪ انصاف کي تبديلي آڻڻي آهي ته پوءِ سڀ کان پهريان سنڌ ۾ رهندڙ پرڏيهين کي ڪڍڻو پوندو، ۽ پوءِ سنڌ جي وسيلن تي سنڌين جو حق تسليم ڪيو ويندو ۽ سنڌ جي نوجوانن کي روزگار فراهم ڪيو ويندو، سنڌ مان جنهن ضلعي مان به گيس ۽ پيٽرول نڪري رهيو آهي، انهن علائقن جون اهي ئي دانهون آهن ته مقامي ماڻهن کي روزگار فراهم نه پيو ڪيو وڃي، تحريڪ انصاف کي انهن ماڻهن جون اهي شڪايتون به دور ڪرڻيون پونديون، باقي رهي ڳالهه سنڌ ۾ ڪهڙي پارٽي جي حڪومت آهي، ڪنهن جي  حڪومت هئڻ گهرجي، ان سان عوام کي فرق نه ٿو پئي.

جيئن ته  سنڌ ۾ گورنر راڄ لاڳو ڪرڻ جون به خبرون گردش ڪري رهيون آهن، جنهن به گورنر عمران اسماعيل جو چوڻ آهي ته ان بابت کيس ڪجهه به خبر نه آهي پر پيپلزپارٽي جي سينيئر اڳواڻ خورشيد شاهه چيو آهي ته   جمهوري حڪومت گورنر راڄ لاڳو  نه ٿو ڪري سگهجي. بهرحال هاڻ ڏسڻو پوندو ته آخر تحريڪ انصاف  پيپلزپارٽي جي قيادت کان ڪهڙا مطالبا ڪري ٿي، اهو ته وقت ئي ٻڌائيندو پر هڪ ڳالهه ته واضح آهي ته جڏهن به  ڪنهن پارٽي کان ڪجهه مطالبا مڃرائڻا هوندا آهن ته ان مٿان دٻاءُ وڌايو ويندو آهي ۽ هاڻ  به اهو ئي ٿيندي نظر اچي رهيو آهي، اپوزيشن جو چوڻ آهي ته وزيراعظم عمران خان جي ڀيڻ عليمه خان جي دبئي ۾ ملڪيت آهي، جيڪا اڳ لڪائي وئي هئي، جنهن خلاف ڪارروائي نه ٿي رهي آهي.  بهرحال  سنڌ ۾ تبديلي  جي صورت ۾ حالتون خراب  به ٿي سگهن ٿيون ڇاڪاڻ ته نوازشريف ۽ آصف علي زرداري آسمان ۽ زمين جيترو فرق آهي، نوازشريف هميشه جمهوري دور ۾ به احتجاج ڪيا آهن پر آصف علي زرداري هميشه مفاهمتي پاليسي کي اپنايو آهي ۽ اسٽيبلشمنٽ کي اصل چهرو  به ڏيکارڻ جي ڪوشش به ڪئي آهي

Daily pak Sukkur Sahib Khan Bhatti article

Daily pak Sukkur Sahib Khan Bhatti article

Daily pak Sukkur Sahib Khan Bhatti article

dailyhilal.com.pk Sahib Khan Bhatti article

dailykalyan.com Sahib Khan Bhatti article

dailysindhdharti.com ‘Sahib Khan Bhatti article

dailyjeejal.com Sahib Khan Bhatti article

dailyhilal.com.pk Sahib Khan Bhatti article

قرض وٺڻ کان اڳ عوامي ريفرينڊم جي ضرورت

صاحب خان ڀٽي

جڏهن حڪمرانن جي فيصلن تي عوام کي ڳڻتي ٿي ويندي آهي يا وري حڪمران جڏهن ڪو فيصلو پاڻ نه ڪري سگهندا آهن ته پوءِ ان تي ريفرينڊم ڪرائڻ تمام گهڻوضروري ٿي ويندو آهي ۽ اها جمهوريت جي هڪ روايت آهي، جيڪا مختلف ملڪن ۾ نڀائي ويندي آهي پر افسوس جو اسان جي ملڪ ۾ اڄ تائين عوام کي ڪنهن به فيصلي کان اڳ ڪا تجويز نه ورتي ويندي ۽ نه ئي ان بابت عوام کي آگاهه ڪيو ويندو آهي، اهو ئي سبب آهي جو اڄ پاڪستان تمام گهڻو قرضي ٿي ويو آهي، بقول حڪمرانن جي ته پاڪستان کي قرض جي قسط ادا ڪرڻ لاءِ به قرض وٺڻو پئجي ويو آهي پر ان باوجود حڪمرانن وياج  سخت شرطن تي قرض وٺڻ  وارو سلسلو بند ڪيو  آهي، جيڪا به حڪومت ايندي آهي، ان جو رڙيون رڳو اهي ئي هونديون آهن ته ملڪ جو خزانو خالي آهي، جنهن سبب کين قرض وٺڻو پئجي رهيو آهي، سمجهه ۾ نه ايندو  آهي ته آخر حڪمرانن کي عوام ووٽ رڳو قرض وٺڻ لاءِ ڏنو آهي يا وري انهن کي عوام جا مسئلا حل ڪرڻ لاءِ اقتدار مليو آهي، جيڪا حڪومت ايندي آهي، اها پنهنجا شاهي خرچ پورا ڪرڻ لاءِ عوام تي ٽيڪسز مٿان  ٽيڪسز لاڳو ڪندي آهي ۽ قرض وٺندي آهي، اهو سلسلو اڄ ڏينهن تائين بند نه ٿي سگهيو  آهي.

جڏهن ڪا پارٽي اقتداسر کان ٻاهر ايندي آهي ته اها  عوام سان واعدو ڪندي آهي ته ملڪ تي چڙهيل قرض کي لاهيندي پر افسوس جڏهن اها پارٽي اقتدار ۾ ايندي  آهي ته ان پارٽي کي اقتدار سبب اها سمورا واعدا وسري ويندا آهن ۽  اها پارٽي ڪو نه ڪو بهانو ڪري قرض وٺڻ لاءِ  در در  گهمندي رهندي آهي ۽ موجوده حڪومت ۾ به اهو سڀ ڪجهه ٿي رهيو آهي، حڪمرانن عوام کان اڄ ڏينهن تائين قرض وٺڻ يا نه وٺڻ بابت ڪا راءِ نه ورتي آهي. جيڪو سٺو سنوڻ نه آهي، جيڪڏهن حڪمرانن کي عوام جي راءِ جي ڪا قدر هجي ها ته قرض وٺڻ کان اڳ عوام کان  راءِ ضرور وٺن ها.

جئين ته سڄي دنيا ۾ عوامي ريفرينڊم جو لاڙو تمام گهڻو وڌندو پيو وڃي،  ان جي ڪري برطانيا ۾ يورپي يونين کان ڌار ٿيڻ لاءِ ريفرينڊم ڪرايو ويو، ايتري قدر جو ڪيترن ئي ملڪن ۾ عوامي ريفرينڊم ڪرائڻ جو سلسلو به شروع ٿي ويو آهي، ريفرينڊم اڪثر ان وقت ئي ڪرايو ويندو آهي، جڏهن ڪو ملڪ لاءِ اهم فيصلو ڪرڻو پوندو آهي يا وري ڪو حساس معاملو هوندو آهي، جنهن لاءِ عوام جي راءِوٺڻ تمام گهڻو ضروري هوندو آهي يا وري ڪنهن جمهوري پارٽي وٽ  عوامي رد عمل جي  خدشي سبب ڏکيا فيصلا ڪرڻ جي سگهه نه هوندي آهي ته اها عوام کان راءِ وٺندي آهي ۽ ووٽنگ ڪرائيندي آهي ته جيئن عوام جو ڪو رد عمل نه اچي، اهو ئي سبب آهي جو برطانيا ۾ يورپي يونين کان ڌار ٿيڻ لاءِ ريفرينڊم ڪرايو ويو هو ۽ ان کانپوءِ  ترڪي ۾ به ريفرينڊم ڪرائڻ جي ڪوشش ڪئي وئي هئي، اها ڪوشش طيب اردگان ڪئي هئي، طيب اردگان جي ڪوشش هئي ته فوجي بغاوت ۾ ملوث ماڻهن خلاف ڪارروائي ٿي سگهي ۽ عوامي رد عمل به نه اچي.

ميڊيا رپورٽس موجب، ڪولمبيا ۾ به باغين سان ٿيل امن معاهدي جي منظوري لاءِ ريفرينڊم ڪرايو ويو هو، جنهن کي عوام حڪومت جي فيصلي کي رد ڪري ڇڏيو هو، جن ملڪن ۾ عوام دشمن فيصلا ڪيا ويندا آهن، انهن خلاف عوام روڊن تي هوندو آهي ۽ اها حڪومت گهڻو دير تائين هلي به نه سگهندي آهي، اهڙو هڪ مثال فرانس جي تازي صورتحال آهي، جتي ماڻهو حڪومت جي فيصلن خلاف روڊن تي آهي ۽ مهانگائي خلاف احتجاج ڪري رهي آهي، اهڙا ٻيا به کوڙ سارا ملڪ آهن، جتي عوام  حڪومتي فيصلن خلاف احتجاج ڪندي نظر ايندو آهي ۽ اهڙن احتجاجن دوران حڪومت پنهنجي طاقت جو استعمال ڪندي آهي، جنهن سان قيمتي حياتيون زيان ٿي ويندو آهي، فرانس ۾ به مهانگائي خلاف احتجاج دوران ڪيترائي ماڻهو مارجي چڪا آهن، جيڪڏهن  حڪومت اهو فيصلو عوامي ريفرينڊم ذريعي ڪري ها ته شايد اڄ اتي اهڙيون حالتون نه هجن ها.

جيئن ته اڄ اسان جي ملڪ جي جيڪا صورتحال آهي، اها سڄي دنيا کي خبر آهي، سمورين سياسي پارٽين ۾ اختلاف آهن ۽ ڪنهن به وقت ڪو ڏکيو وقت آيو ته ان وقت اتحاد ڏسڻ ۾ نه ايندو، جنهن لاءِ ضروري آهي ته حڪومت ڪو به فيصلو ڪري ته اهو عوام جي مفاد ۾ هئڻ گهرجي.  جيڪڏهن ڪنهن فيصلي سان عوام کي ڏکيائن جو منهن ڏسڻو پوندو ۽ ان جو رد عمل اچڻ جو خدشو هجي ته حڪومت ان فيصلي کان اڳ ريفرينڊم ضرور ڪرائي، ڇاڪاڻ ته ميڊيا تي خبرون هلي رهيون آهن ته حڪومت آءِ ايم ايف جا سخت شرط مڃي  ورتا آهن، جيڪڏهن ايئن آهي ته ان سان ملڪ ۾مهانگائي جو هڪ اهڙو هڪ طوفان ايندو، جنهن سان غريب ماڻهن جو جيئڻ جنجال بڻجي ويندو آهي ۽  هر شيءَ  مهانگي ٿي ويندي. ميڊيا ۾ خبرون آهن ته پاڪستان بيل آئوٽ پيڪيج لاءِ عالمي مالياتي فنڊ جي بجلي مهانگي ڪرڻ سميت ٻن مطالبن کي تسليم ڪري ورتو آهي.

ميڊيا  رپورٽس موجب، بيل ائوٽ پيڪيج لاءِ پاڪستان ۽ آءِ ايم ايف وچ ويڊيو ڪانفرنس ٿي، جنهن دوران آءِ ايم ايف جي چئن وڏن مطالبن ۾ ٻن تي اتفاق ڪيو ويو. آءِ ايم ايف رپئي جو مُلهه طئي ڪرڻ جي حوالي سان پاڪستان جي موقف تي اتفاق ڪيو آهي، جنهن موجب رپئي جو مُلهه ڪنٽرول ڪرڻ جي پاليسي جاري رهندي، ميڊيا رپورٽس موجب، پاڪستان بجلي جي اگهن ۾ واڌ لاءِ آءِ ايف جو مطالبو به تسليم ڪري ورتو آهي. ميڊيا رپورٽس موجب، ريوينيو  وصولين  جي هدف ۾ پاڪستان آءِ ايم ايف جو مطالبو تسليم نه ڪندي موقف اختيار ڪيوآهي ته هلندڙ مالي جي ٽيڪس وصولين جو هدف 4 هزار 4 سئو ارب رپين کان نه وڌايو ويندو، جڏهن ته آءِ ايف ايف جو مطالبو آهي ته ٽيڪس وصولين جو هدف  4 هزار 7 ارب رپين تائين وڌايو وڃي. ميڊيا رپورٽس موجب، آءِ ايف ايف مطالبو ڪيوآهي ته بينڪن جو قرض جي وياج جو سيڪڙو  13 سيڪڙو تائين وڌايو وڃي پر پاڪستان ان شرط کي تسليم نه ڪيو آهي، ڇاڪاڻ ته انهيءَ شرط سان پاڪستان جي معيشيت کي تمام گهڻو نقصان ٿيندو.

بهرحال آءِ ايم ايف کان قرض وٺڻ ايئن آهي، جئين کوهه ۾ ٽپو ڏيڻ، جيڪڏهن حڪومت آءِ ايم ايف کان قرض وٺڻ کان اڳ عوامي ريفرينڊم ڪرائي ته تمام سٺو ٿيندو، ڇاڪاڻ ته ملڪ اڳ ئي قرضي آهي ۽ قرض جي قسط ادا ڪرڻ لاءِ به قرض وٺڻ جون دعوائون ڪيون پيون وڃن، جڏهن اهڙي صورتحال ۾ قرض ورتو ويو ته اڳ واري قرض سان گڏ نئون ورتل قرض پاڪستان لاءِ ادا ڪرڻ تمام گهڻو ڏکيو  ٿي ويندو. هي حڪومت ته هلي ويندي ۽ پوءِ ڪا ٻي حڪومت ايندي پر قرض جو بار ته عوام کي ادا ڪرڻو پوندو. هونئن ته وياج حرام آهي پر ان باوجود هن ملڪ جو ڪاروبار وياج تي هلي رهيو آهي، پاڪستان جو قرض به تمام گهڻوآهي ۽ قرض جو وياج ڀرڻ اسان جي ملڪ  لاءِ تمام ڏکيو ٿيندو پيو وڃي. اهڙِي صورتحال ۾ قرض وٺڻ سٺو عمل نه آهي، ڇاڪاڻ ته ملڪ ۾ اڳ ئي بيروزگاري آهي.

جيڪڏهن روڊ رستا نه ٺهيا ته خير آهي پر مهانگائي وڌي وئي ته ملڪ جي غريب عوام جو جيئڻ ناممڪن ٿي ويندو. حڪومت ته بجيٽ آڻي نوان نوان ٽيڪس لڳائي ڇڏيندي، ايتري قدر جو گناهه ٽيڪس به لڳايو ويندو پر ان سڄي عمل ۾ حڪمرانن کي ڪو فرق نه پوندو، فرق پوندو ته غريب ماڻهن تي پوندو. اسان جي حڪومت کي هڪ ئي التجا آهي ته قرض وٺڻ کان اڳ هڪ ڀيرو عوامي ريفرينڊم ڪرايو وڃي  پر اهو ريفرينڊم اليڪشن کان ٿورو مختلف هجي ڇاڪاڻ ته هن ريفرينڊم سان ملڪ جي عوام جو مستقبل آهي ۽  هن ملڪ جي ايندڙ نسل لاءِ هڪ پيغام هوندوته ڪنهن هڪ حڪومت ته قرض وٺڻ کان اڳ عوام جي راءِ ورتي ۽ اهو مثال هڪ اعليٰ مثال بڻجي ويندو آهي ۽ هي وقت آهي ته حڪومت عوام کي مهانگائي جي طوفان کان بچائڻ لاءِ عوام جي راءِ وٺي، ٻي صورت ۾ جيڪي به آءِ ايم ايف جا شرط آهن، انهن سان هن ملڪ جو ڪو ڀلو نه ٿيندو ۽ نه ئي انهيءَ قرض سان ملڪ جو ڪوقرض لهندو، هي ملڪ ويتر قرضي بڻجي ويندو، جيڪڏهن قرض وٺڻ  سان مسئلا حل ٿي  وڃن ها ته ماضي جي حڪومتن پاران کنيل قرض مان هن ملڪ ۾ ڪا تبديلي ضرور نظر اچي ها. جيڪا اڄ ڏينهن تائين نظر نه آئي آهي. هن وقت ملڪ جو ٻار ٻار قرضي آهي، موجوده حڪومت سميت ماضي جي اڳوڻين حڪومتن جي وزيرن جون  پرڏيهه ۾ملڪيتون آهن.

جڏهن به ملڪ ۾ معاشي بحران ايندو آهي ته انهن تي ڪو فرق نه پوندو آهي، ڪجهه سياستدان ته هي ملڪ ڇڏي هليا ويندا آهن، ڇاڪان ته انهن جا ڪاروبار پرڏيهه ۾ هوندا آهن، ايتري قدر جو سياستدان نه پر ٻين ادارن جي ماڻهن جابه پرڏيهه ۾ ڪاروبار ۽ گهر آهن، جيڪي به شاهي زندگي گذاري رهيا آهن، انهن تي مهانگائي جو ڪو فرق نه پوندو، جيڪڏهن ٽيڪس لڳڻ جو فرق پوندو آهي ته غريب ماڻهن تي پوندو آهي، فرق پوندو آهي ته ڏهاڙي تي ڪم ڪندڙ پورهيتن تي ٿيندو آهي، جيڪي سياستدان هڪ ويلي جي ماني 20 هزار کان 25 هزار  جي کائيندا هجن، انهن تي ٽيڪس  لڳڻ سان فرق نه پوندو، هن ملڪ ۾آءِ ايم ايف جي شرطن جو فرق پوندو ته ڏهاڙي تي ڪم ڪندڙ پورهيت تي پوندو، مهانگائي جو فرق پوندو ته 15 هزار ماهوار ڪم ڪندڙ مزدور تي پوندو.  حڪومت قرض وٺڻ ۽ مهانگائي ڪرڻ کان اڳ غريب عوام جي باري ۾ هڪ ڀيروضرور سوچي.  

سياري جي موسم ۾ گئس جو بحران

صاحب خان ڀٽي

ملڪ ۾ بجلي جو بحران ته پرويز مشرف جي دور کان هلي رهيو آهي، جيڪو ختم ٿيڻ جو نالو ئي نه ٿي رهيو آهي، نواز ليگ جي اڳوڻي حڪومت ۾ اها دعويٰ ڪئي وئي هئي ته بجلي جي بحران تي ضابطو آندو ويو آهي پر جڏهن کان تحريڪ انصاف جي حڪومت قائم ٿي آهي، ان ڏينهن کان بجلي جو بحران ٻيهر وڌي ويو آهي، جنهن سبب ڪاروبار تباهه ٿيندو پيو وڃي، ايتري قدر جو ڪيترن ئي علائقن ۾ ته بجلي اچڻ جو نالو ئي نه وٺندي آهي. بهرحال سنڌ جو عوام بجلي جي لوڊشيڊنگ جو ته عادي ٿي چڪو آهي پر جڏهن کان سياري جي موسم آئي آهي، ان ڏينهن کان گيس جوبحران پيدا ٿي ويو آهي، سي اين جي اسٽيشنز ته بند آهن پر ان سان گڏ گهريلو صارفين کي گيس پريشر گهٽ هئڻ واري مسئلي کي منهن ڏيڻ پئجي يو آهي.  جئين ته جيڪا به پارٽي اقتدار ۾ ايندي آهي ته اها صرف اها دعويٰ ڪندي آهي ته هنن بحران تي ضابطو آڻي ڇڏيو آهي، پر ملڪ جي ڪنهن به شهر ۽ ڳوٺ ۾ بجلي ۽ گيس جي لوڊشيڊنگ جي وقت م گهٽتائي نه اچي سگهي آهي، هڪ طرف سنڌ ۽ بلوچستان ۾ گيس نڪري رهيو آهي ته ٻي طرف وري ٿر مان به دنيا جو قيمتي ڪوئلو هٿ آيو آهي پر باوجود ملڪ ۾ نه ته بجلي جو بحران ختم ٿي رهيو آهي ۽ نه ئي وري گيس جو مسئلو ختم ٿي رهيو آهي.

پيپلزپارٽي گيس جي بحران کي نظر ۾ رکندي وفاق توڙي سنڌ ۾ احتجاج ڪري رهي آهي ته سنڌ مان  نڪرندڙ گيس مان سنڌ کي حصو نه پيو  ڏنو وڃي، پيپلزپارٽي وفاق تي اهو به الزام لڳايو آهي ته سنڌ جي گئس ڪنهن ٻئي صوبي کي ڏني پئي وڃي، جيڪڏهن  ڏٺو وڃي ته اها ڪا نئين ڳالهه نه آهي، سنڌ  جي شيءَ جو حصو ڪنهن ٻئي صوبو کي ئي ڏنو ويندو آهي. پيپلزپارٽي جي سينيٽر شيري رحمان سنڌ جي گيس جي بحران تي اسٽينڊنگ ڪميٽي ۾ گيس بحران  تي ڪاوڙ جو اظهار ڪندي چيو ته  سنڌ  جي حصي جي گئس ڪنهن ٻئي صوبي کي ڏيڻ ناانصافي آهي، گمبٽ گيس فيلڊ ۾ چيو ويو ته اتان گيس بند آهي پر اتان به گيس نڪري رهي آهي، شيري رحمان چيو ته جنهن صوبي مان گيس نڪرندي آهي، ان تي سڀ کان پهرين اتان جي صوبي جي ماڻهن جو حق هوندو آهي پر اهو حق کين نه پيو ڏنو وڃي. 

اڳوڻي صدر آصف علي زرداري ته ايران سان گيس معاهدو به ڪيو هو پر ان تي به هن وقت ڪم ٿيندي نظر نه پيو اچي ۽ نه ئي ان منصوبي بابت هن وقت تائين  ڪا وضاحت پيش ڪئي وئي آهي، جيڪڏهن ملڪ مان گيس نه پيو نڪري ته پوءِ آخر اهو مسئلو ڪيئن حل ٿيندو؟ ان جو حل ته حڪومت کي ڳولهڻ آهي، ، جيڪڏهن هن ملڪ ۾ گيس جي پيداوار گهٽ آهي ته اها ٻين ملڪن کان به خريد ڪري پوري ڪري سگهجي ٿي، پر حڪومت نه ته مسئلا حل ڪرڻ لاءِ ڪي قدم کڻي رهي آهي ۽ نه ئي وري  عوام کي اهو ٻڌايو پيو وڃيي ته آخر گيس جو مسئلو ڪڏهن حل ٿيندو؟ جيڪڏهن وفاقي سرڪار گيس ۽ بجلي جي بحران کي ختم ڪرڻ لاءِ ڪو قدم کڻي ها ته اڄ سنڌ ۾ بجلي جي لوڊشيڊنگ نه ٿئي ها ۽ نه ماڻهو روڊن تي نظر اچن ها، روزاني سنڌ جي ڪنهن نه ڪنهن شهر مان احتجاج جون خبرون رپورٽ ٿينديون رهنديون آهن ته سندن شهرن ۾ بجلي ڪلاڪن جاڪلاڪ بند رهي ٿي پر سندن دانهن ڪير به ٻڌڻ لاءِ تيار نه آهي،

بهرحال ڪراچي جهڙي انٽرنيشنل شهر ۾ بجلي جو بحران به حڪومت جي لاءِ هڪ وڏو سواليه نشان آهي ۽ حڪومت جي پت ان مان ئي وائکي ٿي وڃي ته ڪراچي ۾ ڪيترن ڪلاڪن لاءِ لوڊشيڊنگ ٿي رهي آهي، جيڪڏهن ڏٺو وڃي ته حڪومت ڪراچي جهڙي شهر ۾ لوڊشيڊنگ تي ضابطو نه آڻي سگهي آهي ته پوءِ آخر ٻين ٻهراڙين وارن علائقن جو ڪهڙو حشر هوندو، هي حڪومت جي ئي ذميواري آهي ته بجلي جي لوڊشيڊنگ تي جلد کان جلد ضابطو آڻي ماڻهن کي پريشاني کان بچائي سگهي.

سنڌ جو ڪو اهڙو شهر بچيوئي نه آهي، جتي لوڊشيڊنگ نه ٿيندي هجي، ڪراچي، حيدرآباد، سکر، لاڙڪاڻي ۽ شهيد بينظيرآباد سميت ٻين شهرن ۾ لوڊشيڊنگ سبب عوام بيزار  آهي، موري ۾ ته بجلي هڪ ڪلاڪ اچي ٿي ته ٽي ڪلاڪ بند ڪئي وڃي ٿي پر سندن ڪو به دانهن ٻڌڻ لاءِ تيار نه آهي، ڪجهه ماڻهوته اهي به دانهون ڪري رهيا آهن ته هڪ ته حڪومت روزگار فراهم نه ڪري رهي آهي ته مٿان وري جيڪي ماڻهو پنهنجي ٻچن جي روزي ڪري رهيا آهن انهن کي بيروزگار ڪيو پيووڃي،

بهرحال بجلي جي لوڊشيڊنگ صرف موري نه پر دادو، سانگهڙ، مٽياري، سڪرنڊ، پني عاقل سميت ٻين شهرن ۾ به ٿي رهي آهي پر صوبائي حڪومت به ان حساس مسئلي کي حل ڪرڻ لاءِ ڪي به قدم نه پئي کڻي، حڪومت کي گهرجي ته جلد کان جلد بجلي ۽ گيس جي بحران تي ضابطو آهي ۽ سنڌ جي انهن علائقن تائين به گيس فراهم ڪيو وڃي جتي اڄ ڏينهن گيس جي سهولت فراهم نه ڪئي وئي آهي، جيڪڏهن هن وقت به حڪومت بجلي جي بحران تي ضابطو نه آڻي سگهي ته پوءِ گرمي جي موسم ۾ ته ماڻهو عذاب ۾ مبتلا ٿي ويندا، تنهن ڪري ضروري آهي ته وفاقي حڪومت ۽ صوبائي حڪومت بجلي ۽ گيس جي بحرن کي ختم ڪرڻ لاءِ تڪڙا اپاءُ وٺي ته جئين سنڌ جو عوام سياري جي موسم بجلي ۽ گيس بحران کي منهن نه ڏيڻو پيو

dailykalyan.com Sahib Khan Bhatti article

wafaesindh.com Sahib khan bhatti article

dailyhilal.com.pk Sahib Khan Bhatti article

dailysindhdharti.com ‘Sahib Khan Bhatti article

Sahib khan Bhatti in KTN News office

Sahib khan Bhatti in KTN News office

dailykalyan.com Sahib Khan Bhatti article

dailysindhdharti.com ‘Sahib Khan Bhatti article

dailysindhsujag.com Sahib khan bhatti article

dailyhilal.com.pk Sahib Khan Bhatti article

Daily Sindh sukkur sahib khan bhatti article

سياري جي موسم ۾ گئس جو بحران

صاحب خان ڀٽي

ملڪ ۾ بجلي جو بحران ته پرويز مشرف جي دور کان هلي رهيو آهي، جيڪو ختم ٿيڻ جو نالو ئي نه ٿي رهيو آهي، نواز ليگ جي اڳوڻي حڪومت ۾ اها دعويٰ ڪئي وئي هئي ته بجلي جي بحران تي ضابطو آندو ويو آهي پر جڏهن کان تحريڪ انصاف جي حڪومت قائم ٿي آهي، ان ڏينهن کان بجلي جو بحران ٻيهر وڌي ويو آهي، جنهن سبب ڪاروبار تباهه ٿيندو پيو وڃي، ايتري قدر جو ڪيترن ئي علائقن ۾ ته بجلي اچڻ جو نالو ئي نه وٺندي آهي. بهرحال سنڌ جو عوام بجلي جي لوڊشيڊنگ جو ته عادي ٿي چڪو آهي پر جڏهن کان سياري جي موسم آئي آهي، ان ڏينهن کان گيس جوبحران پيدا ٿي ويو آهي، سي اين جي اسٽيشنز ته بند آهن پر ان سان گڏ گهريلو صارفين کي گيس پريشر گهٽ هئڻ واري مسئلي کي منهن ڏيڻ پئجي يو آهي.  جئين ته جيڪا به پارٽي اقتدار ۾ ايندي آهي ته اها صرف اها دعويٰ ڪندي آهي ته هنن بحران تي ضابطو آڻي ڇڏيو آهي، پر ملڪ جي ڪنهن به شهر ۽ ڳوٺ ۾ بجلي ۽ گيس جي لوڊشيڊنگ جي وقت م گهٽتائي نه اچي سگهي آهي، هڪ طرف سنڌ ۽ بلوچستان ۾ گيس نڪري رهيو آهي ته ٻي طرف وري ٿر مان به دنيا جو قيمتي ڪوئلو هٿ آيو آهي پر باوجود ملڪ ۾ نه ته بجلي جو بحران ختم ٿي رهيو آهي ۽ نه ئي وري گيس جو مسئلو ختم ٿي رهيو آهي.

پيپلزپارٽي گيس جي بحران کي نظر ۾ رکندي وفاق توڙي سنڌ ۾ احتجاج ڪري رهي آهي ته سنڌ مان  نڪرندڙ گيس مان سنڌ کي حصو نه پيو  ڏنو وڃي، پيپلزپارٽي وفاق تي اهو به الزام لڳايو آهي ته سنڌ جي گئس ڪنهن ٻئي صوبي کي ڏني پئي وڃي، جيڪڏهن  ڏٺو وڃي ته اها ڪا نئين ڳالهه نه آهي، سنڌ  جي شيءَ جو حصو ڪنهن ٻئي صوبو کي ئي ڏنو ويندو آهي. پيپلزپارٽي جي سينيٽر شيري رحمان سنڌ جي گيس جي بحران تي اسٽينڊنگ ڪميٽي ۾ گيس بحران  تي ڪاوڙ جو اظهار ڪندي چيو ته  سنڌ  جي حصي جي گئس ڪنهن ٻئي صوبي کي ڏيڻ ناانصافي آهي، گمبٽ گيس فيلڊ ۾ چيو ويو ته اتان گيس بند آهي پر اتان به گيس نڪري رهي آهي، شيري رحمان چيو ته جنهن صوبي مان گيس نڪرندي آهي، ان تي سڀ کان پهرين اتان جي صوبي جي ماڻهن جو حق هوندو آهي پر اهو حق کين نه پيو ڏنو وڃي.

اڳوڻي صدر آصف علي زرداري ته ايران سان گيس معاهدو به ڪيو هو پر ان تي به هن وقت ڪم ٿيندي نظر نه پيو اچي ۽ نه ئي ان منصوبي بابت هن وقت تائين  ڪا وضاحت پيش ڪئي وئي آهي، جيڪڏهن ملڪ مان گيس نه پيو نڪري ته پوءِ آخر اهو مسئلو ڪيئن حل ٿيندو؟ ان جو حل ته حڪومت کي ڳولهڻ آهي، ، جيڪڏهن هن ملڪ ۾ گيس جي پيداوار گهٽ آهي ته اها ٻين ملڪن کان به خريد ڪري پوري ڪري سگهجي ٿي، پر حڪومت نه ته مسئلا حل ڪرڻ لاءِ ڪي قدم کڻي رهي آهي ۽ نه ئي وري  عوام کي اهو ٻڌايو پيو وڃيي ته آخر گيس جو مسئلو ڪڏهن حل ٿيندو؟ جيڪڏهن وفاقي سرڪار گيس ۽ بجلي جي بحران کي ختم ڪرڻ لاءِ ڪو قدم کڻي ها ته اڄ سنڌ ۾ بجلي جي لوڊشيڊنگ نه ٿئي ها ۽ نه ماڻهو روڊن تي نظر اچن ها، روزاني سنڌ جي ڪنهن نه ڪنهن شهر مان احتجاج جون خبرون رپورٽ ٿينديون رهنديون آهن ته سندن شهرن ۾ بجلي ڪلاڪن جاڪلاڪ بند رهي ٿي پر سندن دانهن ڪير به ٻڌڻ لاءِ تيار نه آهي،

بهرحال ڪراچي جهڙي انٽرنيشنل شهر ۾ بجلي جو بحران به حڪومت جي لاءِ هڪ وڏو سواليه نشان آهي ۽ حڪومت جي پت ان مان ئي وائکي ٿي وڃي ته ڪراچي ۾ ڪيترن ڪلاڪن لاءِ لوڊشيڊنگ ٿي رهي آهي، جيڪڏهن ڏٺو وڃي ته حڪومت ڪراچي جهڙي شهر ۾ لوڊشيڊنگ تي ضابطو نه آڻي سگهي آهي ته پوءِ آخر ٻين ٻهراڙين وارن علائقن جو ڪهڙو حشر هوندو، هي حڪومت جي ئي ذميواري آهي ته بجلي جي لوڊشيڊنگ تي جلد کان جلد ضابطو آڻي ماڻهن کي پريشاني کان بچائي سگهي.

سنڌ جو ڪو اهڙو شهر بچيوئي نه آهي، جتي لوڊشيڊنگ نه ٿيندي هجي، ڪراچي، حيدرآباد، سکر، لاڙڪاڻي ۽ شهيد بينظيرآباد سميت ٻين شهرن ۾ لوڊشيڊنگ سبب عوام بيزار  آهي، موري ۾ ته بجلي هڪ ڪلاڪ اچي ٿي ته ٽي ڪلاڪ بند ڪئي وڃي ٿي پر سندن ڪو به دانهن ٻڌڻ لاءِ تيار نه آهي، ڪجهه ماڻهوته اهي به دانهون ڪري رهيا آهن ته هڪ ته حڪومت روزگار فراهم نه ڪري رهي آهي ته مٿان وري جيڪي ماڻهو پنهنجي ٻچن جي روزي ڪري رهيا آهن انهن کي بيروزگار ڪيو پيووڃي،

بهرحال بجلي جي لوڊشيڊنگ صرف موري نه پر دادو، سانگهڙ، مٽياري، سڪرنڊ، پني عاقل سميت ٻين شهرن ۾ به ٿي رهي آهي پر صوبائي حڪومت به ان حساس مسئلي کي حل ڪرڻ لاءِ ڪي به قدم نه پئي کڻي، حڪومت کي گهرجي ته جلد کان جلد بجلي ۽ گيس جي بحران تي ضابطو آهي ۽ سنڌ جي انهن علائقن تائين به گيس فراهم ڪيو وڃي جتي اڄ ڏينهن گيس جي سهولت فراهم نه ڪئي وئي آهي، جيڪڏهن هن وقت به حڪومت بجلي جي بحران تي ضابطو نه آڻي سگهي ته پوءِ گرمي جي موسم ۾ ته ماڻهو عذاب ۾ مبتلا ٿي ويندا، تنهن ڪري ضروري آهي ته وفاقي حڪومت ۽ صوبائي حڪومت بجلي ۽ گيس جي بحرن کي ختم ڪرڻ لاءِ تڪڙا اپاءُ وٺي ته جئين سنڌ جو عوام سياري جي موسم بجلي ۽ گيس بحران کي منهن نه ڏيڻو پيو

فرانس ۾ ٿيل عوامي پرتشدد احتجاج

صاحب خان ڀٽي

سڄي دنيا ۾مهانگائي ڏينهون ڏينهن وڌي رهي آهي، جنهن سبب عام ماڻهن جي چيلهه ئي چٻي ٿي وئي آهي، حڪمران به پنهنجا شاهي خرچ هلائڻ لاءِ عوام تي ئي بار وجهندا آهن، جنهن سبب روزاني بنياد تي استعمال ٿيندڙ شيون مهانگيون ٿي وينديون آهن. جنهن سبب عوام کي احتجاج ڪرڻو پئجي ويندو آهي، اسان جي ملڪ ۾ ته دنيا جي ڀيٽ ۾ تمام گهڻو ٽيڪس لڳايو ويندو آهي، ڇاڪاڻ ته حڪمرانن کي پنهنجا شاهي خرچ هلائڻ ۽ قرض جي قسط ڀرڻ لاءِ عوام تي وڏا وڏا ٽيڪس لڳائڻا پوندا آهن، پر دنيا جي ٻين ملڪن ۾ جڏهن به ٽيڪس لڳايو ويندو آهي يا وري ڪو  فيصلو ملڪي مفاد خلاف هوندو آهي ته اتان جو عوام حڪمرانن آڏو رڪ جي ديوار بڻجي سامهون بيهندو آهي. اهڙو ئي هڪ مثال فرانس مان به ملي ٿو، جتي عوام مهانگائي خلاف سراپا احتجاج بڻيل آهي.

جئين ته فرانس يورپ جو هڪ وڏو ملڪ آهي، جنهن جو گاديءَ جو هنڌ پئرس شهر آهي، اتي به عوام مهانگائي سبب روڊن تي نظر اچي رهيو آهي. فرانس ۾ 17 نومبر 2018 کان پيٽروليم شين جي اگهن ۾ واڌ خلاف احتجاج جو سلسلو جاري آهي، جنهن دوران ڪيترائي ماڻهو فوت ۽ زخمي ٿي چڪا آهن. پيرس جي شهري انتظاميا موجب، گادي واري شهر ۾ سمورا تفريح ماڳ احتجاجن سبب بند رهڻ لڳا آهن، جڏهن ته ڊپارٽمنٽل اسٽور، عجائب گهر ۽ ميٽرو اسٽيشن به بند ڪرڻي پئجي ويندي آهي. جڏهن کان فرانس ۾ احتجاج شروع ٿيا آهن، تڏهن کان حڪومت پاران شهرين کي احتياط سان رهڻ جي هدايت ڪئي وئي آهي.  پيرس جي وڏن شاهراهن تي قائم دڪانن ۽ ريسٽورنٽس جي مالڪن ڀڃ ڊاهه جي خدشي سبب عمارتن  جي شيشن کي تختيون لڳائي بند ڪري ڇڏيو آهي.

ميڊيا  رپورٽس موجب گذريل ٻن ٽن مهينن کان فرانس ۾ تيل مهانگو ڪرڻ خلاف احتجاج جاري آهن،  جيڪي هاڻ پرتشدد ٿي ويا  آهن، فرانس جي عملدارن جو چوڻ آهي ته پوليس پيرس مان رڳو ڪجهه ڏينهن اندر وڌيڪ ساڍا ٽي سو  احتجاج ڪندڙن کي گرفتار ڪري ورتو آهي. عوام جي مسلسل احتجاج باوجود حڪومت  عوام جي احتجاج آڏو گوڏا به کوڙي ڇڏيا آهن ۽ پيٽروليم شين جي اگهن ۾ ڪيل واڌ جو فيصلو واپس به ورتو پر ان باوجود عوام پاران احتجاج جو سلسلو جاري آهي. يلو ويسٽ موومينٽ پاران به فرانس ۾ حڪومت خلاف احتجاج ڪيو پيو وڃي، جڏهن ته صدر ايمانوئيل ميڪرن تي سخت ڪاوڙ جو اظهار به ڪيو ويو اهي، مختلف شهرن ۾ احتجاجي مظاهرن دوران ڪجهه ماڻهو فوت به ٿيا جڏهن ته پوليس جي شيلنگ دوران ڪيترائي ماڻهو زخمي به ٿيا آهن.

فرانس جي گهرو وزير ڪرسٽو فرلي سٽنير چيو ته 2 لک 44 هزار ماڻهن سڄي ملڪ جي مک رستن سميت 2 هزار کان وڌيڪ هنڌن تي احتجاج ڪيو ويو، جڏهن ته ڪو به اڻوڻندڙ واقعو پيش نه آهي. ڪجهه هنڌن تي ڊرائيورن پاران گاڏين کي اڳتي وڌڻ جي ڪوشش تي منهن ماري ٿيڻ سبب احتجاج ڪندڙ پوليس وچ ۾ چڪريون ٿيون ڪرسٽو فرلي سٽنير چيو ته سيوي واري علائقي ۾ ماڻهن جي ميڙ تي گاڏي چڙهڻ سبب هڪ 63 ورهين جي عورت فوت ٿي وئي، جڏهن ته پوليس جو چوڻ هو ته گاڏي ڊرائيور جي ڪنٽرول مان نڪري وئي هئي، جنهن سبب هجوم مٿان چاڙهي ڇڏي.

پوليس جو چوڻ هو ته ڊرائيور کي گرفتار ڪيو ويو آهي، جئين ته فرانس پيٽروليم شين جي اگهن ۾ واڌ بابت احتجاج جو سلسلو رڪجي نه سگهيو آهي، جڏهن کان احتجاج شروع ٿيو آهي، حڪومت پاران ڪيترائي اعلان ڪيا ويا آهن پر ان باوجود عوام  حڪمرانن تي دٻاءُ وجهي رهيو آهي ته پيٽروليم شين جي اگهن ۾ واڌ وارو فيصلو واپس ورتو وڃي، جئين احتجاج جي ٽئين هفتي دوران تيل جي اگهن ۾ واڌ تي احتجاج ڪندڙ  شهرين گاڏين ۽ عمارتن کي باهه ڏني،  مڇريل ماڻهن ۽ پوليس وچ ۾ چڪرين ۾ 100 کان وڌيڪ شهري زخمي ٿي ويا هئا، جڏهن ته پوليس 200 کان وڌيڪ ماڻهن کي گرفتار ڪيو. پوليس احتجاج ڪندڙن کي ڇروڇڙ ڪرڻ لاءِ ڳوڙها آڻيندڙ گئس جو پڻ استعمال ڪيو پر ان باوجود شهرين احتجاج جاري رکيو ۽ تيل جي اگهن ۾ گهٽتائي جو مطالبو ڪندا رهيا.

احتجاج ڪندڙن پنهنجا مطالبن ۾ مهانگائي ۾ گهٽتائي ۽ فرانسيسي صدر کان استعفيٰ جو به مطالبو ڪيوآ هي. ڪيترن ئي احتجاج ڪندڙن  جي هٿن ۾ بينرز ۽ پلي ڪارڊز به هئا، جن تي فيصلو واپس وٺڻ جو مطالبو ڪيو ويو هو. فرانسيسي حڪومت پرتشدد عوامي احتجاج کان پوءِ پيٽرول تي لاڳو نئون ٽيڪس واپس وٺڻ جو فيصلو ڪيو، فرانس جي ڊيفينس واري کاتي جو وحڻ  آهي ته شهرين جي پرتشد احتجاج سبب فرانس ۾ 6 آئل ريفائنريز کي نقصان پهتو آهي، جڏهن ته ايڪس ايڪسچينج متاثر نه آهي،جنهن جي پيدوار  240،000 بي پي ڊي پورٽ آهي. فرانس جي ترجمان جو چوڻ آهي ته هڙتال سبب آئل پهچائڻ وارو عمل به متاثر ٿيو آهي ۽ سڄي احتجاج کي ميڊيا چڱي ريت ڪوريج ڏئي رهيو آهي پر بدقسمتي سان دنيا ۾ اهڙا ڪيترائي ملڪ آهن، جتي ميڊيا کي  اهڙا اختيار نه هوندا آهن ته  حڪمرانن خلاف ڪي خبرون هلايون وڃن.

بهرحال هن وقت  فرانس جي ڪيترن ئي شهرن ۾  مهانگائي خلاف  احتجاج جو سلسلو جاري آهي ۽ عوامي احتجاج حڪمرانن  جون ننڊون حرام ڪري ڇڏيون آهن، جيئن ته حڪومت به عوام کي سمورن مطالبن جي خاطري ڪرائي آهي پر ان باوجود عوام جي احتجاج ۾ شدت گهٽجڻ بدران وڌي رهي آهي، جنهن مان لڳي رهيو آهي ته جيستائين احتجاج ڪندڙن جا سمورا  مطالبا پورا نه ٿا  ڪيا وڃن، تيستائين  احتجاج جو سلسلو جاري رهندو. جيڪڏهن  فرانس جي حڪومت عوام جا سمورا مطالبامڃي ورتا ته  پوءِ هڪ ڳالهه سچ ثابت ٿي ويندي ته جڏهن عوام پنهنجا حق حاصل ڪرڻ لاءِ  روڊن تي نڪرندو آهي ته پنهنجا حق حاصل ڪري ئي موٽندو  آهي پوءِ ڀلي ان احتجاج دوران سندن جان ڇونه هلي وڃي،  اهو ئي سبب آهي جو  فرانس ۾  ماڻهو مطالبن جي مڃتالاءِ احتجاج  جو سلسلو جاري رکيو ويٺا آهن،

جيڪڏهن ايئن نه هجي ها ته فرانس ۾  ماڻهو پنهنجيون حياتيون پيٽروليم شين جي اگهن ۾ واڌ  خلاف احتجاج دوران نه وڃائن ها. بهرحال هڪ ڏينهن ضرور فرانس جي عوام جو احتجاج رنگ لائيندو ۽ حڪومت عوام دشمن فيصلا ڪرڻ کان  اڳ سئو  ڀيرا سوچيندي، جيڪڏهن ڏٺو  وڃي ته هي مهانگائي خلاف تاريخي احتجاج آهي ۽ فرانس جي عوام پنهنجيون حياتيون وڃائي حڪومت کي عوام دشمن فيصلن کان روڪڻ لاءِ اهم قدم کنيو آهي پر  فرانس جي حڪومت کي احتجاج ڪندڙن  کي مارڻ نه گهرجي ها، جيڪڏهن  ڪا به حڪومت غلط فيصلو ڪندي ته عوام روڊن تي ضرور ايندو ۽  اهو انهن جو بنيادي حق آهي، جنهن کان  کين دنيا جي ڪا طاقت روڪي نه ٿي سگهي. 

dailysindhdharti.com ‘Sahib Khan Bhatti article

dailysindhdharti.com ‘Sahib Khan Bhatti article

dailysobh.com Sahib Khan Bhatti article

dailysarwan.com Sahib Khan Bhatti article

dailymehran.com.pk Sahib Khan Bhatti articledailymehran.com.pk Sahib Khan Bhatti article

dailyjeejal.com Sahib Khan Bhatti article

dailyjeejal.com Sahib Khan Bhatti article

dailysindhsujag.com Sahib khan bhatti article

dailykalyan.com Sahib Khan Bhatti article

dailyhilal.com.pk Sahib Khan Bhatti article

dailyhilal.com.pk Sahib Khan Bhatti article

dailysindhdharti.com ‘Sahib Khan Bhatti article

ڌارين کي آباد ڪرڻ واري ٺيڪداري ڪڏهن بند ٿيندي؟

صاحب خان ڀٽي

ملڪ جي آبادي ڏينهون ڏينهن وڌي رهي آهي، جنهن سبب  ڪيترائي مسئلا جنم وٺي رهيا آهن،  وڌندڙ آبادي تي به ڪنٽرول نه ٿي رهيو آهي، افغانستان جي ڪٽڪ اچي لٿا آهن، انهن جا ٻار ته جنن کان وڌيڪ ٿي رهيا آهن،  حڪومت جو انهن ڏانهن ڪو به ڌيان نه آهي، نه ئي انهن علائقن ۾ ڪنهن  وڃڻ جي ڪوشش ڪئي آهي، جنهن سبب خبر ئي نه پئجي رهي آهي ته آخر ڪيترا افغان شهري هتي آباد ٿي چڪا آهن، جڏهن افغانين جا ڪٽڪ هن ملڪ ڏانهن اچي رهيا هئا ته ان وقت به سرحدن تي انهن جي ڳڻپ صحيح طريقي سان نه ڪئي وئي، جنهن سبب اڄ ملڪ جو عوام ڀوڳي رهيو آهي،  ملڪ جي اهم ادارن جي غيرملڪين جي لاءِ انسانيت  واري جذبي ملڪ جو ٻيڙو ٻوڙي ڇڏيو آهي، اڄ ملڪ جي آبادي ٻيڻ کان ٽيڻ ٿي ويا آهن، پر حڪمران اڄ به سڄي دنيا ۾ انسانيت جو راڳ ڳائي رهيا آهن، جيڪڏهن حڪمرانن کي انسانيت ڏيکارڻي آهي ته پوءِ ملڪ جي اصل شهرين کي ڏيکاري وڃي، اڄ ملڪ جو سڀ وڏو مسئلو وڌندڙ آبادي آهي، جيئن جيئن آبادي وڌي رهي آهي، تئين تئين ملڪ جا مسئلا وڌي رهيا آهن،  بجلي جي کپت ۾ اضافو ٿي رهيو  آهي، پاڻي جي استعمال ۾ واڌ ٿي رهي آهي، خوراڪ جي استعمال ۾ واڌ ٿي رهي آهي، مطلب ته هرشيءَ  جي استعمال ۾ اضافو ٿي رهيو آهي پر حڪمران اڃا به انسانيت جي  نالي تي غيرملڪين کي آباد ڪرڻ جون سازشون ڪري رهيا آهن، اڃا به بنگلاديش ۾ ترسيل ڌارين کي آباد ڪرڻ جون ڳالهيون ٿي رهيو آهن، ملڪ جا اصل  وارث احتجاج ڪري رهيا آهن پر ڪو به  انهن جي نه ٻڌي رهيو آهي،  جيڪڏهن ڏٺو وڃي ته هن ملڪ  ۾ سڀ کان پهرين پاڪستان جو ٺهراءُ  سنڌ اسيمبلي ۾ پيش ڪيو ويو هو پر  اڄ سنڌ جي عوام کي فائدو اهو ڏنو پيو وڃي ته ڌارين کي آباد ڪري سنڌين کي اقليت ۾ ڪيو وڃي، ان سڄي مرحلي سڀ کان وڏو هٿ نادرا جو آهي، جيڪو ڌارين جي لوڌ کي سڃاڻپ ڪارڊ جاري ڪري انهن کي هتان جي سڃاڻپ ڏئي رهيو آهي. جيڪڏهن ڏٺو وڃي ته وڌندڙ آبادي سبب بدامني به وڌي وئي آهي ۽ جيڪي به وارداتون ٿينديون آهن، انهن ۾ مقامي ماڻهن نه پر غير ملڪي ئي ملوث هوندا آهن، ڪجهه ڏينهن اڳ اي ٽي ايم مشين مان پيسا چوري ٿيڻ جو انڪشاف ٿيو هو ته ان ۾ به چائنا جا ماڻهو پڪڙيا ويا هئا، جڏهن ته  سيڪيورٽي ادارن تي حملن ۽ ڦرن جي وارداتن ۾ به  پرڏيهي ملوث رهيا آهن پر ان باوجود حڪومت کي  الائي ڌارين جي لوڌ ڪهڙي ڀنگ پياري ڇڏي آهي، جو انهن جو نشو لهي ئي نه ٿو، الائي ڪڏهن حڪمرانن تان ڌارين کي آباد ڪرڻ وارو نشو لهندو ۽ ملڪ جو اصل عوام سک جو کڻندو؟  

بهرحال بجلي جو بحران ملڪ اندر ڏينهون ڏينهن وڌندو پيو وڃي،جنهن سبب ڪاروباري  ماڻهن جي چيلهه چٻي ٿي وئي آهي،  بجلي نه هئڻ سبب ڪيترائي ڪارخانه بند ٿي ويا آهن، جنهن سبب ڪيترائي ئي ماڻهو  بيروزگار ٿي ويا آهن پر افسوس جو حڪمرانن انهن ڏانهن ڪو ڌيان نه ڏنو آهي، جيڪڏهن ملڪ اندر اصل مسئلن ڏانهن ڌيان ڏنو وڃي ته ملڪ جوعوام خوشحال ٿي سگهي ٿو، جيڪڏهن رڳو بجلي جي بحران تي ضابطو آندو وڃي ته ڪيترائي  مسئلا حل ٿي سگهن ٿا پر ان مسئلي کي حل ڪرڻ لاءِ ڪا به حڪمت عملي نه پئي جوڙي وڃي. جيتوڻيڪ هي ملڪ ايٽمي قوت آهي پر هن ملڪ جي عوام وٽ نه بجلي آهي ۽ نه ئي تعليم ۽ صحت جون ڪي بهتر سهولتون آهن، اڄ ڏينهن تائين بجلي پيدا ڪندڙ ڪمپنين کان اهو سوال نه ڪيو ويو آهي ته آخر بجلي جي پيداوار وڌائڻ لاءِ  ڪي بندوبست ڇو نه کنيا ويا آهن؟ آخر حڪمرانن وٽ اهو سوال ڪرڻ يا وري بجلي جي پيدا وار وڌائڻ بابت  سوچڻ جو وقت ڪو نه هو ته پوءِ ڇو افغانين، برمين ۽ بيهارين کي ملڪ اندر  ترسايو ويو آهي، جيڪڏهن اهي ڌاريا انسان آهن ته پوءِ ڇا جن هن ملڪ کي ٺاهيو اهي جانورن آهن؟ آخر حڪمرانن کي ملڪ جو عوام انسان نظر ڇو نه ٿو اچي؟ آخر ڇو حڪمران ڌارين جي لوڌ کي آباد ڪرڻ ۽ انهن کي سڃاڻپ ڪارڊ جاري ڪرڻ لاءِ ايوانن ۾ آواز اٿاري رهيا آهن، ملڪ جو اصلوڪو رهواسي بک، بدحالي جو شڪار آهي پر حڪران ڌارين کي آباد ڪري انهن کي رهڻ لاءِ جڳهيون ڏين ٿا، ان جو سڀ کان وڏو مثال افغان پناهگيرن جو آهي، اسان جي ملڪ جي حڪمرانن ۽ ڳجهي طاقتن افغانين کي آباد ڪرڻ لاءِ پلاٽ به ڏنا، جيڪي اڄ ڏينهن تائين آباد آهن، جيڪڏهن انهن حڪمرانن کان پڇيو وڃي ٿو ته آخر ڇو انهن کي اهي سهولتون ڏنيون پيون وڃن ته جواب ڏنو ويندو آهي، اهي مسلمان ڀائر آهن، انسانيت خاطر انهن کي ترسايو ويو آهي. جيڪڏهن اهي انسان آهن، انهن کي انسانيت جي نالي تي گهر ڏنا آهن ته پوءِ ڇا هن ملڪ جو عوام انسان نه آهي؟  هن ملڪ جي اصل وارثن کي به انسان سمجهيو ، جن هن ملڪ کي ٺاهيو آهي، انهن جا اوهان گهر ۽ دڪان ڊاهي رهيا آهيو ۽ باقي جيڪي ڌاري لوڌ آهي، انهن جي گهرن ۽ انهن کي هن ملڪ مان تڙي ڪڍڻ جي اوهان وٽ همت نه آهي، ڇا  انهن کي ترسائڻ جا اڃا به اوهان کي پيسا ملي رهيا آهن؟ يا وري  حڪمرانن کي ملڪ جي عوام کي تڙي ڪڍڻ ۽ بي گهرڻ جو ٺيڪو ڏنو ويو آهي،  جيڪڏهن واقعي ملڪ جي اصلوڪن رهواسين کي پريشان ڪرڻ ۽ انهن جا گهر ڊاهڻ ۽ بيروزگار ڪرڻ جو هن ملڪ جي حڪمرانن کي ٺيڪو مليو آهي ته پوءِ اها ٺيڪداري بند ڪئي وڃي. هن ملڪ جي عوام کي وڌيڪ تڙپايو نه وڃي، جيڪڏهن گهر ۽ دڪان ڊاهڻ جو ايڏو حڪومت کي شوق آهي ته پوءِ  غير ملڪين خلاف ڪارروائي ڪري پنهنجي عوام کي پريشاني ڏور ڪري، جيڪڏهن  حڪومت جي روش رڳو ڌارين کي آباد ڪرڻ ۽ ملڪ جي اصل وارثن کي پريشان  ڪرڻ آهي ته پوءِ اها حڪومت گهڻو دير تائين نه هلي  سگهندي. ان ڪري حڪومت کي گهرجي ته ڌارين کي نوازڻ سان کين ڪجهه به نه ورندو، انسانيت پنهنجي ملڪ جي عوام تي ڏيکاري وڃي ته جئين اهو مسئلو حل ٿي سگهي، جيڪڏهن ملڪ جو عوام خوشحال ٿيندو ته  ملڪ ترقي ڪندو ۽ ملڪ ترقي ڪندو ته خوشحالي ايندي. جيڪڏهن عوام کي ايذائڻ وارو سلسلو بند نه ٿيو ته حڪمرانن جو ٻيڙو ٻڏڻ سان گڏ ٻيون به کوڙ تباهيون اچي سگهن ٿيون، ڌارين کي آباد ڪرڻ سان ملڪ جو ڪو به فائدو نه ٿيندو، جيڪڏهن وزيراعظم عمران خان کي واقعي مديني واري رياست قائم ڪرڻي آهي ته  پوءِ سعودي عرب وانگر جيڪي به ڌاريا هتي غيرقانوني طور ترسيل  آهن، انهن کي هتان تڙي پنهنجي ملڪ پهچايو وڃي ۽ جيئن هن ملڪ جي اصلوڪن ماڻهن جا حق غضب نه ٿي سگهن ۽ هن ملڪ جو عوام سک جو ساهه کڻي سگهي. باقي رهي ڳالهه انهن حڪمرانن جي جيڪي ڌارين کي انسانيت جي نالي تي آباد ڪري رهيا آهن، انهن کي ملڪ جي عوام تي به رحم ڪرڻو پوندو۽ اها جيڪي ٺيڪداري ورتي وئي آهي، اهو ٺيڪو هاڻ ختم ڪرڻو پوندو، آخرڪيستائين ملڪ جي سلامتي کي داءُ تي لڳايو ويندو ۽ آخر ڪيستائين هن ملڪ جي عوام کي پريشان ڪيو ويندو؟ اهڙي ٺيڪداري کي ختم ڪري ملڪ جي عوام جي فلاح ۽ ڀلائي سوچيو وڃي ته جئين سمورا مسئلا حلٿي سگهن.

حڪومت به مفاهمتي عمل وارو دڳ ورتو...!!

صاحب خان ڀٽي

شهيد بينظير ڀٽو جي شهادت کانپوءِ پيپلزپارٽي پاڪستان کپي جو نعرو هنيو ۽ اقتدار ۾ آئي ۽ ان کانپوءِ آصف علي زرداري ملڪ جو صدر بڻيو ۽ پهريون ڪم 18 هين ترميم وارو ڪيو، جنهن سبب پارليامينٽ کي اختيار مليا ۽ ان سان گڏ فوجي عدالتن جو قيام عمل آيو، جنهن دوران سينيٽر رضا رباني چيو هو ته ووٽ پارٽي جو حق آهي، ان کي ادا ڪندو. بهرحال  ان وقت پيپلزپارٽي جي ڪو چيئرمين آصف علي زرداري اپوزيشن کي گڏ کڻي هلڻ جو اعلان ڪيو هو پر  مسلم ليگ ن جي قائد نوازشريف جسٽس رٽائرڊافتخار چوڌري جي بحالي تائين حڪومت خلاف تحريڪ هلائڻ جو چيو ۽ مارچ ڪيو، جنهن کان پوءِ آصف علي زرداري افتخار محمد چوڌري کي چيف جسٽس جي عهدي تي بحال ڪيو ۽ هڪ وڪيلن جي وڏي تحريڪ پنهنجي منزل تي پهتي، جيڪا وڪيل برداري جي وڏي فتح قرار ڏنو ويو، جنهن هڪ چيف جسٽس کي بحال ڪرڻ  لاءِ مارچ ڪيو اڄ ان شخص کي عدالتن جو منهن ڏسڻو پئجي رهيو آهي ۽ جيل به ڪاٽي چڪو آهي پر هاڻ حالتون تبديل ٿي چڪيون آهن، ان وقت آصف علي زرداري مفاهمتي دڳ ورتو، هر اداري کي پاڻ سان گڏ کڻي هلڻ وارو سندس فارمولو ڪامياب ٿيو ۽ هن پنهنجا پنج سال پورا ڪيا ۽ اهڙي ريت مفاهمت جي دڳ تي هلندي جمهوريت جي ٽرين پنهنجي منزل ڏانهن روان دوان آهي پر هن وقت جيڪا جمهوري پارٽي ڪامياب ٿي اقتدار ۾ آئي آهي.

اها پارٽي اڄڪلهه رڳو جمهوري پارٽين خلاف ئي ڪارروائي ڪري رهي آهي، ان ڳالهه ۾ ڪو به شڪ نه آهي  ته ملڪ اندر ڪرپشن نه ٿي رهي آهي، جيڪڏهن  ڪرپشن ڪندڙن کي انصاف جي ڪٽهڙي ۾ آندو وڃي ٿو ته اها تمام سٺي ڳالهه آهي پر ڪرپشن جو الزام رڳو ان ڪري لڳايو وڃي ته هو ادارن خلاف ڳالهائي رهيو آهي ته پوءِ سراسر غلط آهي، ڇاڪاڻ ته هر اداري تي تنقيد ڪرڻ جو هر هڪ شخص کي اختيار آهي، جيڪڏهن ڪو ادارو غلط ڪم ڪري رهيو آهي ته ان خلاف ڳالهائڻ جو حق هر وٽ آهي پر افسوس جو اسان جي ملڪ ۾ڪجهه ادارن خلاف ڳالهائڻ قطعي طور بند ٿيل آهي، جنهن سبب ڪو به انهن ادارن خلاف ڳالهائي نه رهيو آهي، جيئن اسان جو ملڪ جو حساس ادرو نادرا آهي.

جيڪڏهن ان اداري ڏانهن نظر ڦيرائينداسين ته ان اداري ملڪ جو ٻيڙو ٻوڙي ڇڏيو آهي، جيڪا آبادي ملڪ جي وڌي آهي، ان جو سڀ کان وڏو ڪارڻ سياستدانن کان پوءِ نادرا ئي آهي، جنهن خلاف روز نوان نوان انڪشاف ٿي رهيا آهن، ڪجهه عرصو اڳ بلوچستان ۾ هڪ دهشتگرد ماريو ويو هو، جنهن جو تعلق افغانستان سان هو ۽ ان وٽ به پاڪستان جي سڃاڻپ هئي، ان ڳالهه کان انڪار نه ٿو ڪري سگهجي ته هن ملڪ اندر رهندڙ افغانين وٽ افغانستان سان گڏ پاڪستان جا سڃاڻپ ڪارڊ به آهن، اهي ڪارڊ نادرا انساني همدردي طور ڏئي رهيو آهي پر هن اداري کي پنهنجي ملڪ جي سلامتي جو ڪو به فڪر نه آهي، ان سان گڏ ڪجهه ڏينهن اڳ مختلف اخبارن ۾ انڪشاف ٿيو ته پرڏيهين کي پاڪستاني ظاهر ڪري پرڏيهه ملڪ موڪليو ويندو آهي مطلب ته نادرا پاران غيرملڪين کي سڃاڻپ ڪارڊ جاري ڪيا ويندا آهن، ان عمل  هڪ ڳالهه ته صاف ظاهر آهي ته ملڪ اندر هر ادارو ڪرپشن ۾ ٻڌل آهي، 

رهي ڳالهه سياستدانن جي ته انهن مٿان ته هر وقت تلوار لٽڪيل هوندي آهي، جيڪڏهن ڏٺو وڃي ته نادرا ايترا ته ڪارڊ جاري ڪيا آهن،  جن جو ڪاٿو لڳائڻ نا ممڪن آهي، هن اداري ملڪي سلامتي کي داءُ تي لڳائڻ جي ڪاڪسر نه ڇڏي آهي. اهو سڀ ڪجهه ان ڪري ٿي رهيو آهي، هن ملڪ جو امن تباهه ڪندڙن پنهنجا ماڻهو نادرا ۾ ڀرتي ڪرائي ڇڏيا آهن، جيڪي غير ملڪين کي سڃاڻپ ڪارڊ ڏياري رهيا آهن، جيڪڏهن ان اداري خلاف به ڪارروائي ڪئي وڃي ته اڃا به گهڻا انڪشاف سامهون اچي سگهن ٿا پر انهن ادارن جو احتساب ڪير ڪندو ، آخر وزيراعظم عمران خان کي نادارا جا ڪيل ڪلور نظر ڇو نه اچي رهيا آهن،  جيڪڏهن نادرا کي ناڪيلي نه وڌي وئي ته ايندڙ وقت ملڪ ۾ رڳو ڌاريا ئي نظر ايندا باقي رهي ڳالهه احتساب جي ته رڳو اسان سياستدانن جو احتساب ڏسي رهيا آهيون پر هاڻ عوام سياستدانن سان گڏ اهڙن ڪرپٽ ادارن خلاف به ڪارروائي ڏسڻ چاهي ٿو ته پوءِ سڀني ادارن خلاف ڪارروائي ڪرڻي پوندي.

جيڪڏهن نادرا جهڙي حساس اداري خلاف ڪارروائي ڪئي نه  وئي ته  هلندڙ احتساب تي هزارين نه پر ڪروڙين سوال اٿي سگهن ٿا ۽ اهڙا سوال کڙا به ٿي رهيا آهن پر حڪومت جو سڄو ڌيان رڳو سياسي اڳواڻن ڏانهن آهي، جيڪڏهن حڪومت انهن سياستدانن سان گڏ اهڙن حساس ادارن ڏانهن به هڪ نظر ڦيري ۽ انهن ادارن کي ملڪي سلامتي سان کيڏڻ کان روڪي ته ملڪ اندر امن سان گڏ وڌندڙ آبادي تي ڪنٽرول ٿي سگهي ٿو ۽ اهو سڀ ڪجهه ان وقت ٿي سگهي ٿو ته جڏهن تحريڪ انصاف جي حڪومت رڳو سياستدانن خلاف ڳالهائڻ کان پاسو ڪري ملڪ جي اصل مسئلن کي حل ڪري،  

بهرحال نيب جي ڪارراين سياستدانن جون ننڊون حرام ڪري ڇڏيون آهن ۽ نه هڪ ٻئي خلاف ڳالهائيندڙ پارٽيون به پاڻ ۾ ڳالهائڻ شروع ڪري ڇڏيو آهي،  ان جو هڪ منظر قومي اسيمبلي جي پبلڪ اڪائونٽس ڪميٽي جي چيئرمين شپ واري معاملي دوران سامهون آهن، جنهن وقت اپوزيشن هڪ پيج تي هئي ۽ تحريڪ انصاف ٻئي پاسي هئي،  شروع ۾ ته تحريڪ انصاف شهباز شريف کي پبلڪ اڪائونٽس ڪميٽي جي  چيئرمين شپ ڏيڻ کان انڪار ڪيو هو پر آهستي آهستي  اپوزيشن جي سخت احتجاج سبب پنهنجي فيصلي تان روايتي طور يوٽرن وٺڻو پئجي ويو  ۽ آخر ڪار  پبلڪ اڪائونٽس ڪميٽي جو چيئرمين بنا مقابلي جي شهباز شريف کي بڻايو ويو، جڏهن ته  رياض فتيانه کي انصاف ۽ قانون واري ڪميٽي جو  چيئرمين مقرر ڪيو ويو. 

بهرحال هن وقت جڏهن آصف علي زرداري کي گرفتار ڪرڻ جا چوٻول هلي رهيا آهن، تڏهن  نواز  ليگ ۽  پيپلزپارٽي ۾ پيدا ٿيل وڇوٽيون ختم ٿي ويون آهن ۽ قومي اسيمبلي جي اجلاس ۾  مسلم ليگن ايم اين اي خواجا سعد رفيق خطاب ڪندي  چيو ته ٻڌايو وڃي ته آخر اهي ڪهڙا محب وطن آهن،جن جي درخواستن تي فوري طور نيب ڪارروائي شروع ڪري ڇڏيندي آهي ۽ انهن محب وطن سڏاريندڙن جي چوڻ تي  ٻين کي غداري وارا لقب ڏنا ويندا آهن،  سعد رفيق اهو به چيو هو ته جيڪڏهن آصف علي زرداري ۾ هٿ وڌا ويا ته صورتحال خطرناڪ ٿي ويندي؟ بهرحال اهو ته هاڻ وقت ئي ٻڌائيندوته عدالتن جو فيصلو ڪهڙو ايندو پر حڪومت جي رويي مان نظراچي رهيو  آهي ته حڪومت اين آر او ڏيڻ چاهي ٿي  پر اپوزيشن نه مڃي رهي آهي،ان جو مثال ريلوي واري وفاقي وزير جي گذريل پريس ڪانفرنس مان ملي ٿو، ريلوي واري وفاقي وزير چيو هو ته  نوازشريف مريم نوازلاءِ اين آر وٺڻ جي ڪوشش ڪري رهي آهي پر آصف علي زرداري کي بلاول جي ڪا به فڪر نه آهي؟ اهڙي بيان مان صاف ظاهر ٿي وڃي ٿو ته ڪير اين آر  او وٺي رهيو آهي ۽ڪير اين آر او ڏي رهيو آهي.؟ بهرحال پبلڪ اڪائونٽس ڪميٽي جي چيئرمين شپ اپوزيشن ليڊر شهباز شريف کي ڏيڻ مان صورتحال مان  اهو صاف نظر اچڻ لڳو آهي ته حڪومت مفاهمتي دڳ ورتو آهي .